Wikipedia:Waarom 'n rekening skep?

Jy hoef nie in te teken om Wikipedia te lees nie. Jy hoef nie eens in te teken om artikels te verander op Wikipedia nie — enigiemand kan amper enige artikel wysig, selfs sonder om in te teken. Iedergeval is die skep van 'n rekening vinnig, gratis en nie-inbrekend, en dis 'n goeie idee om dit te doen, vir baie redes. Wie wil nou nie deel wees van een van die beste, vrye ensiklopedieë op die internet nie?

Nota: om 'n gebruikersrekening te skep op Wikipedia, gaan na die intekenblad.

Gebruikersnaam

As jy 'n rekening skep, kies jy 'n gebruikersnaam. Wysigings wat jy maak terwyl jy ingeteken is word só aan jou toegeken. Dit beteken dat jy volle krediet vir jou bydraes kry in die bladsygeskiedenis – wanneer jy nie ingeteken is nie, word slegs jou IP-adres opgeteken. Jy kan ook al jou bydraes bekyk deur op die "my bydraes"-skakel te kliek wanneer jy ingeteken is.

Jy kry ook jou eie gebruikersblad waar jy meer oor jouself kan skryf. Terwyl Wikipedia nie 'n tuisbladverskaffer is nie, kan jy dit gebruik om 'n paar beelde te vertoon, meer oor jou belangstellings te skryf, ensovoorts. Baie gebruikers gebruik hul gebruikersblad om 'n lys van artikels te maak waarop hulle die trotsste is, of om ander inligting vanuit Wikipedia op te teken.

Jy kry ook 'n permanente besprekingsblad waar ander gebruikers met jou (en jy met hulle) kan kommunikeer. Jy word in kennis gestel sodra iemand 'n boodskap op jou besprekingsblad pos. Indien jy 'n eposadres op rekord het sal ander gebruikers jou via epos kan kontak — hierdie funksie is anoniem: die gebruiker wat jou epos weet nooit wat jou adres is nie.

Implikasies vir jou identiteit

Terwyl jy nie ingeteken is nie word alle wysigings aan jou IP-adres toegeken soos wat dit op daardie oomblik is. Wanneer jy inteken word al jou wysigings aan jou rekening toegeken, alhoewel daar nogsteeds intern 'n koppeling aan jou IP-adres is. Sien Wikipedia se voorlegging van 'n privaatheidsbeleid wat meer inligting hieroor het, maar is steeds net 'n voorstel.

Die privaatheidsimplikasies hiervan verskil, afhangende van 'n paar faktore soos hoe jou Internet Diensverskaffer besigheid doen, plaaslike wette en regulasies en die hoeveelheid en omvang van jou wysigings tot Wikipedia. Wees daarvan bewus dat Wikipedia se tegnologieë en beleide nie vasgemaak is nie.

Mense se opinies verskil oor die behoefte aan perfekte anonimiteit. Party voel dat anonimiteit die verantwoordelikheid van bydraers verminder, wat dan lei tot onproduktiewe optrede. Ander vind om bydraes te lewer sonder 'n vaste identiteit tot 'n onaangename gevoel van magteloosheid lei. Deur 'n rekening te skep kan jy bydra tot die vermindering van sulke gevoelens.

Nuwe wysigingsopsies

Daar is baie funksies van die MediaWiki-sagteware (wat Wikipedia bedryf) wat slegs aan ingetekende gebruikers beskikbaar is. Byvoorbeeld, ingetekende gebruikers kan wysigings as "klein" merk, wat op hulle beurt weer uit die lys van "onlangse wysigings" gefilter kan word. Hierdie voorreg is nie aan anonieme gebruikers beskikbaar nie, omdat dit onmoontlik is om te weet wie vanaf 'n gegewe IP-adres kom op enige oomblik, so dit kan nie as 'n vertrouensbasis gebruik word nie. Die merk van wysigings as "klein" terwyl dit nie is nie, word as onbeskof geag.

'n Baie belangrike funksie wat gereelde bydraers baie nuttig sal vind is dophoulyste. Jy kry 'n nuwe skakel "hou dop" op elke blad, wat daardie blad op jou dophoulys sal plaas. Hierdie is basies 'n gefilterde weergawe van die "onlangse wysigings"-blad wat slegs veranderings aantoon wat aan bladsye op jou dophoulys gemaak word. Só kan jy baie makliker tred hou met bladsye waaraan jy werk, sonder om alle veranderings dop te hou.

Slegs ingetekende gebruikers word toegelaat om bladsye te hernoem, 'n funksie wat baie belangrik is om die struktuur en betroubaarheid van Wikipedia te kan behou.

Jy moet ook ingeteken wees indien jy beelde wil laai.

Gebruikersvoorkeure

Behalwe vir al hierdie funksies kan jy ook die optrede van MediaWiki tot 'n groot mate verpersoonlik. Jy kan die hele voorkoms van die werf verander soos om 'n ander "skin" te kies, aan te dui hoe wiskundige formules vertoon moet word, hoe groot die teksarea moet wees waarin jy veranderings aanbring, hoeveel bladsye in "onlangse wysigings" vertoon moet word, en baie meer.

Administrateurstatus

Administrateurs (of sysops) kan bladsye uitwis en weer herstel, beskerm van veranderings, beskermde bladsye verander en gebruikers wat beleid oortree blokkeer. Hulle voer gewoonlik die wense van die Wiki-gemeenskap uit, veral met dinge soos bladsye se uitwissing. Natuurlik kan slegs ingetekende gebruikers administrateurs word. Gewoonlik is dit voldoende om nou-en-dan werk op Wikipedia te gedoen het sonder om té veel mense te ontstel, alhoewel dit al hoe moeiliker raak.

Stemming, verkiesing en meningspeilings

Terwyl enigiemand in meeste peilings op Wikipedia hul kan opinie kan lig, dra jou mening meer gewig as dit aan 'n bekende identiteit gekoppel word, veral as jy 'n geskiedenis van sinvolle kommentaar en deurdenkte wysigings het.