Suid-Afrikaanse algemene verkiesing van 2004: Verskil tussen weergawes
Dewet (besprekings | bydraes) vanaf en:South African general election, 2004 vertaal |
(Geen verskil)
|
Wysiging soos op 07:59, 1 Maart 2005
Wetgewende Verkiesings is gehou in Suid-Afrika op Woensdag, 14 April 2004. Die African National Congress (ANC) van President Thabo Mbeki, wat aan bewind was sedert die einde van die apartheidstelsel in 1994, is herverkies met 'n vergrote meerderheid.
Hierdie was die derde vrye verkiesings wat sedert die einde van die apartheidsera gehou is. Die Suid-Afrikaanse Nasionale Vergadering bestaan ui 400 lede, verkies volgens proporsionele verteenwoordiging. Tweehonderd lede word vanuit nasionale partylyste verkies, en die ander 200 vanuit partylyste van elk van die nege provinsies. Die President van Suid-Afrika word gekies deur die Nasionale Vergadering ná elke verkiesing.
Die ANC, wat aan bewind is sedert 1994, het 69.7% van stemme op die nasionale stembrief gekry, wat hulle teoreties toelaat om die grondwet te verander, alhoewel hulle voorhou dat hulle nie van plan is om dit te doen nie. Slegs sowat 56% van die kwalifiserende stemmers het deelgeneem aan die verkiesing, met die ANC wat ondersteuning van sowat 38% van die stemmers geniet.
Die hoofopposisieparty, die Demokratiese Alliansie, het 'n vergrote persentasie op die nasionale stembrief verkry, heel moontlik van vorige ondersteuners van die Nuwe Nasionale Party, en het moontlik sommige ondersteuners na Patricia de Lille se nuwe Onafhanklike Demokrate verloor. Die NNP het meeste van hul ondersteuning verloor, en het van 20.4% in 1994, na 6.9% in 1999, na 1.7% in die 2004 verkiesings geval; dit kan grootliks toegeskryf word aan hul ondersteuners se ongelukkigheid met die alliansie met die ANC. Die OD het baie dophouers verras deur meer stemme as die NNP te verkry, en het sodoende die vyfde-grootste party geraak. Die Inkatha Vryheidsparty het grond verloor, insluitend die grotere meerderheid van hul bastionsprovinsie, KwaZulu-Natal, terwyl die United Democratic Movement ook ondersteuning verloor het — hulle is skaars nog opposisie in hulle tuiste, die Oos-Kaap.
Finale uitslae
Die hoeveelheid setels toegeken was verander nadat die amptelike uitslae aangekondig is; sien betwisde setel laer af.
Party (afkorting) | Leier | Stemme | % | Verandering | Setels | Verandering |
---|---|---|---|---|---|---|
African National Congress (ANC) | Thabo Mbeki | 10,878,251 | 69.7 | +3.3 | 279 | +13 |
Demokratiese Alliansie (DA) | Tony Leon | 1,931,201 | 12.4 | +2.8 | 50 | +12 |
Inkatha Freedom Party (IFP) | Mangosuthu Buthelezi | 1,088,664 | 7.0 | -1.6 | 28 | -6 |
United Democratic Movement (UDM) | Bantu Holomisa | 355,717 | 2.3 | -1.1 | 9 | -5 |
Onafhanklike Demokrate (OD) | Patricia de Lille | 269,765 | 1.7 | +1.7 | 7 | +7 |
Nuwe Nasionale Party (NNP) | Marthinus van Schalkwyk | 257,824 | 1.7 | -5.2 | 7 | -21 |
Afrika Christen Demokratiese Party (ACDP) | Kenneth Meshoe | 250,272 | 1.6 | +0.2 | *6 | - |
Vryheidsfront Plus (VV+) | Pieter Mulder | 139,465 | 0.89 | +0.09 | 4 | +1 |
United Christian Democratic Party (UCDP) | Lucas Mangope | 117,792 | 0.75 | -0.03 | 3 | - |
Pan Africanist Congress (PAC) | Motsoko Pheko | 113,512 | 0.73 | +0.01 | 3 | - |
Minority Front (MF) | Amichand Rajbansi | 55,267 | 0.35 | +0.04 | 2 | +1 |
Azanian People's Organisation (AZAPO) | Mosiblidi Mangena | 41,776 | 0.27 | +0.1 | *2 | +1 |
ander | 113,161 | 0.72 | -0.29 | 0 | -3 | |
Totaal | 15,612,667 | 100.0 | - | 400 | - |
Betwisde setel
Die amptelike uitslae was suksesvol deur die ACDP betwis, wat gelei het daartoe dat hulle een setel verkry het wat voorheen aan AZAPO toegeken was [1].
Korrupsie-aantygings
Suid-Afrikaanse nasionale polisiekommissaris Jackie Selebi het aan die Suid-Afrikaanse Parlementêre ad-hoc kommittee oor veiligheid en beskerming rapporteer dat die polisie 'n groep mense gearresteer het met vermeende skakels na Al-Qaida vyf dae voor die verkiesings, wat vermoedelik van plan was om die verkiesings te ontwrig. Werk gedoen deur die Suid-Afrikaanse Polisiediens het gelei tot arrestasies van mense in Jordanië, Sirië en die Verenigde Koninkryk. Hoeveelhede Suid-Afrikaanse paspoorte is gevind in London, wat die Departement van Binnelandse Sake aan korrupsie verbind [2].