Hugenotemonument: Verskil tussen weergawes
Dewet (besprekings | bydraes) No edit summary |
(Geen verskil)
|
Wysiging soos op 13:37, 3 Maart 2005
Die Hugenotemonument in Franschoek, Suid-Afrika, is 'n herinnering aan die kulturele bydraes wat die Franse Hugenote saamgebring het na die Kaapkolonie (en uiteindelik die hele Suid-Afrika) tydens hul immigrasie gedurende die 17de en 18de eeue.
Die monument self bestaan uit vier pilare wat deur ronde boeë bo verbind is, met 'n son wat hoog bo dit uitstaan. Voor die pilare is 'n aardbol waarop 'n vrou staan. Dit alles word deur 'n halfronde kolonnade omring.
Die museum verduidelik die geskiedenis van die Franse Hugenote wat in die Kaap gevestig het, veral in die Franschoekvallei. Op die uitstalling is ook voorbeelde van verskeie gereedskapstukke waarmee wyn gemaak is, die klere wat gedra was, asook die kultuur en behoefte aan 'n beter lewe wat hulle saamgebring het.
Ook op die terrein is wynkelders wat deur 'n kolonnade verbind is, en wat die woorde Post tenebras lux dra (letterlik "ná donker [kom] lig"). Hierdie was die slagspreuk van die Protestante gedurende die Reformasie.
