Die naam Kalgoorlie is afgelei vanuit die [[Wangai]] woord ''Karlkurla'', wat "plek van die [[Marsdenia australis|sypere]]" (Die sypeer is 'n plant wat ook soms as die bospiesang bekend staan). In Junie van 1893 het die prospekteerders Paddy Hannan, Tom Flanagan en Dan O'Shea na Mount Youle gereis toe eneeen van hulle perde 'n skoen verloor het. Tydens die gevolglike onderbreking van hul reis het die mans tekens van goud in die omgewing opgemerk en besluit om daar te bly. Op 17 Junie 1893 het Hamman om 'n kleim aansoek gedoen wat daartoe gelei het dat honderde mans na die gebied gestroom het op soek na goud en so is die dorp, wat oorspronklik as Hannan's bekend gestaan het gebore.<ref>Raymond Radclyffe, ''Wealth and Wildcats'', Carlisle, Western Australia: Hesperian (1898, herdruk 2004), p.15.</ref> Die myn van [[goud]] saam met ander metale soos [[nikkel]] is sedertien 'n groot bedryf in Kalgoorlie en vandag is 'n kwart van die dorp se inwoners betrokke by die mynbedrywighede en maak mynbou ook 'n beduidende deel van die dorp se inkomste uit. Die gebied rondom die dorp waar die groot goudmyne aangetref word, word dikwels na as die Goue Myl verwys en word beskou as van die rykste neerslae per vierkante kilometer ter wêreld. Die dorp se bevolking was omtrent 30 000 in 1903 en het verder gegroei met die stigting van die nabygeleë Boulder.
[[Image:Kalgoorlie after 1934 race riots.jpg|thumb|right|250px|Kalgoorlie na die 1934 rasse-onluste]]
