Tempo (weekblad): Verskil tussen weergawes

'''''Tempo''''' word elke Donderdag in die hele gebied van die [[Weskus]]-distriksmunisipaliteit versprei. In die [[Swartland]] sluit dit dorpe soos [[Malmesbury]], [[Moorreesburg]] en [[Darling]] in, in [[Saldanhabaai]] [[Vredenburg]], [[Saldanha]], [[Langebaan]] en [[Hopefield]], in die [[Bergrivier-munisipaliteit|Bergrivier se munisipale gebied]] op [[Velddrif]], [[Laaiplek]], [[Redelinghuys]], [[Piketberg]] en [[Porterville]], in die [[Cederberg]] op [[Lambertsbaai]], [[Citrusdal]] en [[Clanwilliam]] en in [[Matzikama]] op [[Vredendal]], [[Lutzville]], [[Klawer]] en [[Vanrhynsdorp]].

 

==Personeel==

Soos by enige tipies plattelandse weekblad, doen '''''Tempo''''' se personeel "iets van alles". Verslaggewers neem ook foto's, lê bladsye uit en lewer koerante af. Laasgenoemde strek tot die koerant se voordeel, want nie alleen kom hulle so van nuusgebeure te hore nie, maar hulle bly ook in aanvoeling met verkope-tendense: As hulle met 'n dorp se nuusdekking laat slaplê, tel hulle gou 'n afwaartse neiging in verkope op die bepaalde dorp op. Die personeel het met die eerste uitgawe bestaan uit uitgewer [[Gerard Grobler]], verslaggewers Morné van Rooyen ([[Swartland]], [[Saldanhabaai]] en [[Velddrif]]), Ilna Grobler (Bergrivier), Tossie Engelbrecht ([[Matzikama]]), Elizna Mouton ([[Cederberg]]), grafiese kunstenaar Esmarelda Seroon en bemarker Thea Smit.