Nederlandse monargie: Verskil tussen weergawes

Wikimedia lysartikel
Content deleted Content added
Nuwe blad: {{Inligtingskas |naam = Huis van Oranje-Nassau |kleur = #ccf |beeld = NL - COA.png |beeld_wydte = 150px |beeld_onderskrif = |beeld2 = |beeld2_wydte = |beeld2_onderskrif = |opskrif1 =...
(Geen verskil)

Wysiging soos op 22:04, 9 Februarie 2009


Nederland is sedert 16 Maart 1815 ’n onafhanklike monargie en word sedertdien regeer deur lede van die Huis van Oranje-Nassau.

Huis van Oranje-Nassau

Land Nederland
Eerste monarg Willem I
Datum 16 Maart 1815
Huidige hoof Beatrix
Vermoedelike opvolger Willem-Alexander, Prins van Oranje

Geskiedenis

Die eerste koning van Nederland, van 1806 tot 1810, was Frans. Napoleon Bonaparte het sy broer Louis Bonaparte aangestel as koning oor wat toe bekendgestaan het as die Koninkryk van Holland.

Die huidige monargie is oorspronklik in 1813 gestig toe die Franse uitgedryf is en die destyde Prins van Oranje verklaar is tot soewereine prins van die Verenigde Nederland. Die status van die nuwe monargie is in 1815 bevestig by die Kongres van Wene as deel van die herindeling van Europa ná die val van Napoleon. Die hedendaagse Nederland en België is aan die Huis van Oranje-Nassau toegeken om oor te heers as die Verenigde Koninkryk van Nederland. Die koning van Nederland het ook die erflike groothertog van Luxemburg geword.

Die eerste koning van Nederland, Willem I, was ’n direkte afstammeling van ’n jonger broer van Willem van Oranje wat Nederland sedert 1568 gelei het in hul tagtigjarige stryd om onafhanklikheid van Spanje. Sy familie het ’n groot invloed op die Nederlandse politiek gehad en was afkomstig van Dillenburg, Duitsland, tuiste van die Nassau-familie. Willem se titel "Prins van Oranje" het hy gekry deur sy erfenis van die Prinsdom van Orange, Frankryk, in 1544.

Abdikasie het ’n tradisie geword in Nederland. Koningin Wilhelmina en koningin Juliana het albei geabdikeer ten gunste van hul dogters en Willem I het geabdikeer ten gunste van sy oudste seun, Willem II van Nederland.

Die huidige monarg, koningin Beatrix, het reeds verklaar dat sy nie in die nabye toekoms sal abdikeer nie sodat haar seun, kroonprins Willem-Alexander, en sy vrou, prinses Máxima, tyd met hul familie kan deurbring.

Monarge van Nederland

Beatrix van NederlandJuliana van NederlandWilhelmina van NederlandEmma van Waldeck en PyrmontWillem III van NederlandWillem II van NederlandWillem I van Nederland

Toe Wilhelmina (1890-1948) op tienjarige ouderdom koningin word, het haar ma, koningin Emma, tweede vrou van wyle Willem III, as regent waargeneem totdat Wilhelmina agttien was. Luxemburg was onder die Saliese Wet nie bereid om ’n vrou as heerser te aanvaar nie. Hule het Adolf, die voormalige Hertog van Nassau, gekies as Groothertog van Luxemburg en so die vereniging tussen Nederland en Luxemburg beëindig. Wilhelmina se bewind is oorheers deur die twee wêreldoorloë. Sy en haar man, Heinrich von Mecklenburg-Schwerin, het een dogter, Juliana, gehad wat in 1948 koningin geword het. Wilhelmina is in 1962 dood.

Juliana (1948-1980) het ’n meer moederlike karakter gehad. Sy het getrou met prins Bernard von Lippe-Biesterfeld en hulle het vier dogters gehad: Beatrix, Irene, Margriet en Christina. Sy is op 20 Maart 2004 dood en haar man op 1 Desember 2004.

Koningin Beatrix (1980-huidig) en haar man, wyle prins Claus, het drie seuns: Willem-Alexander, Friso en Constantijn.

Die vermoedelike troonopvolger is prins Willem-Alexander (in 1967 gebore), sedert 1980 die Prins van Oranje. Hy het geskiedenis aan die Universiteit van Leiden studeer en is getroud met prinses Máxima (gebore Máxima Zorreguieta Cerruti), ’n ekonomie-student wie se pa ’n minister van landbou in Argentinië was.

Hulle het drie dogters, Catharina-Amalia, Alexia en Ariane.

Eksterne skakels

Verwysings

Hierdie artikel is merendeels vertaal vanaf die Engelse Wikipedia-artikels [1]