AK-47: Verskil tussen weergawes

 

Vergeleke met die outomatiese [[geweer|gewere]] wat tydens die [[Tweede Wêreldoorlog]] gebruik is (buiten die [[StG-44]]) was die AK-47 meer kompak met 'n korter reikafstand, 'n kleiner 7.62 x 39 mm-patroon wat selektief gevuur kon word. Dit was een van die eerste ware aanvalsgewere en is steeds die mees gebruikte en bekendste aanvalsgeweer. Meer AK-47-gewere is vervaardig as enige ander aanvalsgeweer en die wapen word vandag nog vervaardig.

 

Tydens die [[Tweede Wêreldoorlog]] het [[Duitsland]] die konsep van 'n [[aanvalsgeweer]] ontwikkel. Hierdie konsep is gebaseer op die kennis dat die meeste militêre skermutselinge op 'n kort afstand plaasgevind het, met die oorgrootte meerderheid binne 'n radius van 100 meter. Die krag en reikafstand van die patrone was eenvoudig net te kragtig vir die meeste skermutselings waarin kleingeweervuur betrokke was. As gevolg hiervan is 'n patroon en vuurwapen gesoek wat die eienskappe van 'n [[submasjiengeweer]] (hoëkapasiteit-magasyn en ten volle outomatiese vuurvermoë) te kombineer met 'n gemiddeldekrag-patroon, wat doeltreffend sou wees oor 'n afstand van 300 meter.

 

Die resultaat was die [[Sturmgewehr 44]] (StG44) en al was die geweer nie die eerste van sy soort nie, was dit die eerste wat in voldoende hoeveelhede vervaardig is om die waarde daarvan op die slagveld te evalueer. Hulle het groot hoeveelhede van die wapens teen die Russe ingespan nader aan die einde van die oorlog en die ervaring het 'n groot indruk op die Russe gelaat in die jare kort na die oorlog.

 

 

Ten spyte van ooglopende bewyse daarvoor het Kalasjnikof ontken dat sy geweer op die Duitse aanvalsgeweer gebaseer is. Die wapen kan ten beste beskryf word as 'n hibriede van verskeie voorafgaande uitvindsels. Om sy beweringe te staaf het Kalasjnikof daarop gewys dat sy wapen meer ontleen het van die [[M1 Garand]] geweer as die Duitse ontwerp. Die dubbele sluitpenne, ontsluitingsmeganisme en snellermeganisme is duidelik ontleen van die vroeëre Amerikaanse ontwerp.<ref>http://www.ak-47.net/ak47/galil.html</ref> Die veiligheidsmeganisme toon baie ooreenkomste met die [[John Browning|Browning-ontwerpte]] [[Remington Arms|Remington]] Model 8-geweer.

 

Die vindingrykheid in die ontwerp van die Kalasjnikof-geweer is die vereenvoudiging van die bydraende ontwerpe en die aanpassing daarvan vir [[massaproduksie]]. Die AK-47 kan gesien word as 'n samesmelting van die beste eienskappe van die M1 Garand en die StG44.

 

[[Beeld:AKMS and AK-47 DD-ST-85-01270.jpg|right|thumb|250px|AKS-47 op 'n Tipe 4B raam (bo), saam met 'n Tipe 2A raam.]]

 

In 1978 het die Sowjet-Unie begin om die AK-47- en AKM-gewere met 'n nuwer ontwerp, die AK-74 te vervang. Daar is eers begin met die uitvoer van die nuwe wapen en sy patrone met die val van die Sowjet-Unie, wat die vervaardiging van die nuwe geweer in die wiele dramaties vertraag het.

 

 

Die AK-47 is eenvoudig, goedkoop, maklik om te vervaardig en skoon te hou en te onderhou. Die gehardheid en betroubaarheid van die wapen is welbekend.<ref>http://www.strategypage.com/dls/articles/20030423.asp</ref> Die groot gassuier, groot vryruimte rondom die bewegende dele en die tapse rondte maak dit vir die geweer moontlik om 'n groot hoeveelheid bevuiling te kan hanteer sonder dat die geweer tydens vuur staak. Hierdie betroubaarheid het die nadeel dat akkuraatheid ingeboet word aangesien die losser toleransies nie die presisie en konsekwentheid toelaat wat van meer akkurate vuurwapens vereis word nie. Die geweer is 'n weerspieëling van die Sowjet-Unie se infanterie-doktrine op daardie tydstip, die geweer was bedoel om gebruik te word as deel van massale infanterievuur eerder as vir langafstand-skermutselings.

 

 

Om die wapen af te vuur moet die skut 'n [[magasyn]] laai, die selektorhefboom op sy laagste posisie skuif, die slot terugtrek en dan kan hy mik en die sneller trek. Op hierdie verstelling sal die geweer slegs een keer afvuur (semi-outomaties). Om 'n verdere skoot af te vuur moet die sneller weer getrek word. Met die selektorhefboom in die middelste posisie (vol-outomaties), hou die geweer aan vuur en laai elke keer 'n nuwe patroon in die kamer totdat die magasyn leeg is of die druk op die sneller verwyder word. Soos die koeëls in die loop afbeweeg, word 'n gedeelte van die gasse wat daaragter uitsit na 'n gasbuis bo die loop gelei waar dit die gassuier terugstoot. Die suier stoot die geweerslot terug wat veroorsaak dat die gebruikte koeëldop uitgeskiet word en word 'n nuwe patroon gelaai wanneer die terugslagveer die slot weer in sy plek terugstoot.

 

Om die komponente van die geweer uitmekaar te haal word die magasynknip eers gedruk sodat dié verwyder kan word. Die geweerslot word na agter getrek sodat die skut kan seker maak dat die wapen leeg is. Die skut druk dan op 'n knop aan die agterkant van die raamhulsel terwyl hy die hulsel na bo stoot, waarna hy dit kan verwyder. Die skut stoot dan die veersamestelling na vore en lig dit uit sy spore. Darna kan die geweerslot verwyder word deur dit agtertoe te stoot na die slotstop; dan word die slot gedraai sodat die hingsel verby die onderkant van die spoor loop waarna dit vorentoe gestoot kan word om dit los te maak. Wanneer die wapen skoongemaak moet word, moet aandag geskenk word aan die loop, die geweerslot se looparea en die gassuier wat daarna liggies geolie moet word en weer aanmekaargesit kan word.

 

Die standaard-AK-47 of -AKM gebruik 'n 7.62 x 39 mm-patroon met 'n trompsnelheid van 710&nbsp;meter per sekonde. Trompenergie is 1 990&nbsp; [[joule]]. Die lengte van die koeëldop is 38.6&nbsp;millimeter en die gewig daarvan is 18.21&nbsp;gram. Die gewig van die projektiel is normaalweg 8&nbsp;gram. Die AK-47 en AKM met die 7.62 × 39 mm-patrone het 'n maksimum effektiewe reikafstand van ongeveer 300 meter.

 

Die basiese AK-47-ontwerp is gebruik as basis vir baie ander geweerontwerpe, onder andere die [[Finland|Finse]] [[Rk 62|Valmet 62/76]] en [[Rk 95 TP|Sako Rk 95 TP]], die [[Israel|Israeliese]] [[Galil]], die [[Indië|Indiese]] [[INSAS]] en die Joego-Slawiese [[M76|Zastava M76]] en M77/82. Verskeie [[bullpup]]-ontwerpe het ook hulle verskyning gemaak, alhoewel nie een van dié op groot skaal vervaardig is nie. Bullpup-omskakelings word ook kommersieël gedoen. Die Suid-Afrikaanse [[R4]]-aanvalsgeweer is ook deur die AK-47-ontwerp beïnvloed.

 

 

<div class="references-small">

<references/>

</div>

<div class="references-small">

* Cutshaw, Charlie; Shilin, Valery. ''Legends and Reality of the AK: A Behind-the-Scenes Look at the History, Design, and Impact of the Kalashnikov Family of Weapons''. Boulder, CO: Paladin Press, 2000 (paperback, ISBN 1-58160-069-0).

</div>

 

* [http://www.izhmash.ru/eng Vervaardiger se amptelike webwerf]

* [http://www.ak-47.net/ Tuiste van die AK-47] op die Internet.

* [http://www.sovietarmy.com/small_arms/ak-47.html AK-47 Aanvalsgeweer]

 

 

{{commons|AK-47}}