'''Queensland''' is 'n deelstaat van [[Australië]] wat in die noordooste van die Australiese vasteland geleë is. Dit word begrens deur die [[Noordelike Gebied]] aan die weste, [[Suid-Australië]] aan die suidweste en [[Nieu-Suid-Wallis]] in die suide. In die ooste lê die kusgebied by die [[koraalsee]] en die [[Stille Oseaan]]. Die deelstaat is die tweede grootste ten opsigte van oppervlakte gevolg deur [[Wes-Australië]] en die land se dig bevolkste deelstate [[Nieu-Suid-Wallis]] en [[Victoria (Australië)|Victoria]].
Die gebied is vir die eerste keer deur Australiese inboorlinge en Straat van Torres eilandbewoners bewoon wat ongeveer tussen 40 000 en 65 000 jaar gelede daar aangekom het volgens verskeie dateringstegnieke.<ref>http://www.dreamtime.net.au/indigenous/timeline.cfm Dreaming Online: Indigenous Australian Timeline</ref> Later het Queensland 'n Britse kroonkolonie geword wat afgestig is van die deelstaat [[Nieu-Suid-Wallis]] op [[6 Junie]] [[1859]], 'n datum wat steeds jaarliks herdenk word as Queenslanddag. Die gebied tans as [[Brisbane]] bekend staan was voorheen die Moreton Bay-strafkolonie gewees wat bedoel was as 'n plek om misdadigers wat herhaaldelik oortree het na toe te stuur. Die staat het later vrye vestigings aangemoedig en vandag word Queensland se ekonomie gedomineer deur die landbou-, toeriste- en natuurlike hulpbronsektore.
Die bevolking is gekonsentreer in die suidooste van Queensland wat die hoofstad [[Brisbane]], Logan City, Ipswich, Toowoomba en die Gold Coast en die Sunshine Coast insluit. Ander groot plaaslike sentra sluit [[Cairns]], [[Townsville]], [[Mackay]], [[Rockhampton]], [[Bundaberg]], [[Hervey Bay]] en [[Mount Isa]] in. Daar word dikwels na die staat as die "Sonskynstaat" verwys aangesien die weer warm is en 'n groot deel van die staat in die trope geleë is.
