Manneken Pis: Verskil tussen weergawes

Die '''Manneken Pis''' (soms ook '''Petit Julien''' genoem) is 'n bronsstandbeeld van sowat vyftig sentimeter, wat in die hart van die [[België|Belgiese]] hoofstad [[Brussel]] staan. Manneken Pis is as fontein ontwerp en verbeeld 'n klein seun wat urineer, maar simboliseer tegelykertyd die onafhanklike gees van die Brusselaars. Die figuur is vandag saam met die [[Grote Markt|Grand-Place]] of Groot Markplein van Brussel en die Atomium die bekendste simbool van die stad.

 

Die standbeeld is in [[1619]] deur Jérôme Duquesnoy geskep, en die Brusselaars het groot moeite gedoen om die figuur tydens die Franse beleg van die stad in [[1695]] te beskerm. Die huidige standbeeld is 'n namaaksel, aangesien die oorspronklike standbeeld in die 1960's verdwyn het.

 

Dit is nou 'n tradisie om Manneken Pis by besondere geleenthede met die kleredrag van 'n bepaalde beroep of die heilige van die dag aan te trek. Tans is daar honderde kostuums, waarvan die meeste in die Maison du Roi, 'n museum van die stad Brussel op die Grand-Place, bewaar word. Manneken Pis beskik onder meer ook oor 'n uniform, wat deur die voormalige staatshoof en partyleier van die [[Duitse Demokratiese Republiek]], [[Erich Honecker]], aan hom geskenk is.

 

 

== Eksterne skakel ==

* [http://www.ilotsacre.be/images/virtualvisit/manneken_pis.htm Manneken Pis : Virtuele besoek]

 

[[Kategorie:Kuns]]

 

[[ru:Писающий мальчик]]

[[sv:Manneken Pis]]

[[zh:尿尿小童]]