Mikroverwerker: Verskil tussen weergawes

Die mikroverwerker se hart is 'n digitale ossilator. Elke tik van die ossilator maak die verwerker een stappie neem. Stappies mag byvoorbeeld in die volgende aksies uitloop:
* Tikkie 1: lees 'n instruksie uit 'n geheue vakkie
* Tikkie 2: ontsyfer die instruksie
* Tikkie 3: lees 'n data woord uit 'n geheue vakkie
* Tikkie 4: doen rekenkunde met die data woord, of, sit 'n data woord weg in 'n geheue vakkie
* Tikkie 5: lees die volgende instruksie uit 'n geheue vakkie
en so gaan die aan in groepies van vier tikkies. Verwerkers verskil in hoeveel tikkies in so 'n siklus nodig is. Sommige verwerkers gebruik soveel as twaalf tikkies.

In die verwerker is 'n instruksie ontsyferaar wat, wanneer 'n instruksie uit 'n geheue vakkie gelees word, dit die instruksie omsit in 'n aksie wat in die verwerker se reken/logika eenheid uitgevoer word. Die reken/logika eenheid kan onder andere aksies uitvoer op een of twee data grepe of woorde. Die grepe/woorde mag in die buiteliggende geheue woon of in tydelike interne geheue vakkies wat registers genoem word. Instruksies wat met data te doen het kan basiese rekenkunde doen en vergelykings tref. Ander instruksies kan die programteller self verander sodat die verwerker 'n keuse het van waar in sy geheue hy volgende moet gaan lees of wegsit. Relatief-gesproke is die aksies wat 'n mikroverwerker kan uitvoer baie eenvoudig. Waar sy krag vandaan kom is dat hy baie eenvoudige aksies kan uitvoer teen 'n geweldige spoed. Dìe spoed wat eenvoudige aksies saamsnoer om so 'n komplekse aksie te word.