Ikea: Verskil tussen weergawes
Content deleted Content added
k →Uitbreiding in Europa: + skakel |
|||
Lyn 45:
===Internasionale verskaffers===
IKEA het ook sy netwerk van internasionale verskaffers steeds verder uitgebrei - in 2006 was daar reeds sowat 1 300 leweransiers in 53 lande wat almal met die oog op lae koste gekies is. 'n Groot persentasie van IKEA se artikels word in lande met lae loonvlakke vervaardig, waarby die meeste komponente uit die Volksrepubliek van Sjina (18 persent), Pole (14 persent), Italië (8 persent), Swede (7 persent) en Duitsland (6 persent) ingevoer word. Die benodigde onderdele vir 'n meubelstuk of ander artikel word dikwels deur 'n groot verskeidenheid verskaffers in verskillende lande vervaardig. Daar is dikwels ook ongewone vorme van samewerking - 'n ski-vervaardiger het reeds tafels vir IKEA vervaardig, terwyl 'n hemde-produsent kussingoortrekke aan IKEA verskaf het.<ref>Schmid/Kretschmer (2007), bl. 313</ref>
Klaar vervaardigde en verpakte produkte word na 28 distribusiesentra gestuur en van daar aan IKEA se meubelwinkels vervoer. Op instabiele markte soos [[Bulgarye]], Pole, Rusland, Roemenië en [[Slowakye]] verskaf IKEA kapitaal en kennis aan plaaslike meubelvervaardigers, terwyl ook masjiene by IKEA geleen mag word. IKEA waarborg dat alle produkte wat deur konsessiesake vervaardig word ook afgeneem word. Sodoende verseker IKEA 'n lae kostestruktuur vir sy netwerk van verskaffers.
| |||