Alexanderbaai: Verskil tussen weergawes

'''Alexanderbaai''' ([[Engels]]: '''Alexander Bay''') is 'n dorp geleë in die mees noordwestelike hoek van [[Suid-Afrika]], in die [[Noord-Kaap]], sowat 10 km suid van [[Oranjemund]], wat net noord van die [[Oranjerivier]] in [[Namibië]] geleë is. Die gebied om die dorp bevat die rykste neerslae alluviale (of spoel-) diamante ter wêreld. Dit was egter koper wat tot die ontstaan van die dorp aanleiding gegee het, toe [[James Alexander]], die vader van die koperbedryf in [[Namakwaland]], koper op vragskuite hierheen laat dryf het om op skepe in die baai te laai. Dié stelsel was in gebruik tot die smalspoorlyn van [[Okiep]] na [[Port Nolloth]] in 1876 in gebruik geneem is. Alexanderbaai het tot 1926 in onbruik verval toe diamante hier ontdek is. Die vonds was so groot dat die regering binne 'n jaar beheer moes oorneem en die hele kusstrook tot by [[Port Nolloth]] moes sluit om te verhoed dat die mark oorstroom word. Alexanderbaai was vroeër bekend daarvoor dat hy heeltemal selfversorgend was ten opsigte van groente en vrugte, en varswater gelewer het deur [[verdamping]] van seewater.

 

[[Kategorie:Baaie van Suid-Afrika]]