Potchefstroomse Universiteitskoor: Verskil tussen weergawes

Hierdie koor, onder leiding van Prof Awie van Wyk, is regoor die wêreld bekend as 'n koor wat nie net musiek uitvoer nie, maar wat die harte van die gehoor deur die musiek raak. Prof. Van Wyk het 'n unieke manier waarmee hy die meeste uit die lede van hierdie koor haal. Omdat hy self die musiek so intens ervaar wanneer hy dirigeer, voel die koor hom oombliklik aan en word dit wat hy op die koor projekteer netso weerspieël op die gehoor. Die ervaring van die musiek is vir Prof. Van Wyk baie belangriker as die letterlike nakoming van die bladmusiek self, hoewel hy baie noukeurig te werk gaan om die detail van die musiek in oefentyd in te oefen.

 

 

Van Prof. Van Wyk se bekendste komposisies sluit in die kinderoperette, Gelukland, Ps. 16 (Neem my in beskerming, O God) en die toonsetting van die Griekwapsalms, uit 'n digbundel genaamd "Innie skylte vannie Jirre" deur Hans du Plessis. Behalwe vir die komposisies, is Prof. Van Wyk ook 'n befaamde skilder.