Onze Jan Hofmeyr: Verskil tussen weergawes

===Afrikanerleier===

Hofmeyr het homself bemoei met die Afrikanergemeenskap aan die Kaap en sou uitgroei tot een van die grootste Afrikanerleiers van sy tyd. Omdat hy die belange van die boere op die hart gedra het, het hy in [[1878]] die boerevereniging gestig: ''Zuidafrikaansche Boeren Beschermings Vereeniging''. Nie alleen die belange van die boere het hy op die hart gedra nie, maar ook die res van die Afrikanergemeenskap. Om die belange van die Afrikaners in die algemeen te bevorder, stig hy in [[1882]] die [[Afrikanerbond]]. In [[1883]] het die ''Afrikanerbond'' en die ''Zuidafrikaansche Boeren Beschermings Vereeniging'' saamgesmelt onder die naam: '''Afrikanerbond.''' In hierdie tyd was die [[Kleurling]]gemeenskap beskou as bondgenote van die Afrikaners en Hofmeyr het hulle beskou as behorende tot die Afrikaners.

In [[1879]] het hy as parlementslid van [[Stellenbosch]] toegetree tot die Kaapse parlement. Hofmeyr was 'n vurige taalstryder vir die [[Nederland]]se taal in [[Suid-Afrika]]. Die erkenning van Nederlands as amptelike taal in die Kaapse parlement op 9 Junie [[1882]] is volledig te danke aan die inset van Onze Jan Hofmeyr. Die [[Zuid Afrikaansche Taalbond]] ('''Taalbond''') wat in 1890 te Kaapstad gestig is onder die aanvoering van Hofmeyr sou opkom vir die belange van Nederlands in Suid-Afrika en was gestig as teenreaksie op die stigting van die [[Genootskap van regte Afrikaners]] van 1875 in die huis van [[Gideon Malherbe]].