Scuderia Ferrari

Scuderia Ferrari is die naam vir die Gestione Sportiva, die afdeling van die Ferrari motormaatskappy betrokke by motorsport. Die wedren-span het in verskeie klasse van motorsport deelgeneem sedert sy stigting in 1929. Die span neem tans slegs in Formule Een onder die naam "Scuderia Ferrari" deel. Die Scuderia en Ferrari Corse Clienti hanteer ook die wedren aktiwiteite van talle Ferrari kliënte en privaat-spanne in ander kategorieë van motorsport.

Scuderia Ferrari is statisties die mees suksesvolle F1-span in die geskiedenis (met 'n rekord van 15 bestuurderskampioenskappe en 16 vervaardigerskampioenskappe gewen). Deur sedert 1948 deel te neem is dit ook die oudste oorlewende span. Met 'n groot aantal ondersteuners, bekend as tifosi , is Ferrari ook een van die mees gewilde spanne in motorsport.

Ferrari is die heersende Formule Een vervaardigerskampioen. Die span se huidige bestuurders is Felipe Massa en Kimi Räikkönen, en hul toets bestuurders is Luca Badoer en Marc Gene. Michael Schumacher is 'n tegniese adviseur vir die span en was uitgewys om 'n tydelike bestuurder te wees terwyl Felipe Massa herstel van 'n besering, maar Schumacher het later geweier om te bestuur as gevolg van bekommernis met betrekking tot 'n nekbesering wat hy tydens 'n motorfietsongeluk opgedoen het. Die plek is in plaas daarvan vir Badoer vanaf die Europese Grand Prix gegee. Badoer het nie beïndruk nie en het laaste in die Europese Grand Prix en Belgiese Grand Prix klaar gemaak. Ferrari besluit toe om die plek vir Giancarlo Fisichella te gee vir na sy goeie vertoning by die Belgiese Grand Prix. Hy sal die laaste vyf renne van die seisoen vir Ferrari jaag.

Hoofkantore

Die Scuderia Ferrarispan is baseer in Maranello, Italië, reg oorkant Ferrari se padmotor fabriek. Die span besit en bedryf a toetsbaan op dieselfde plek, die Fiorano Baan gebou in 1972, wat vir ren- en padmotortoetse gebruik word.

Eksterne skakels

• Die amptelike webwerf van Ferrari

Ferrari se fasiliteite by Maranello met Fiorano toetsbaan is by die koördinate 44.533124°N 10.863097°O / 44.533124; 10.863097 (Ferrari's facilities at Maranello)