Pous Clemens V: Verskil tussen weergawes

{{Inligtingskas Pous

|Afrikaanse naam=Pous Clemens V

|geboortenaam=Bertrand de Got

|termyn_begin=[[5 Junie]] [[1305]]

|termyn_einde=[[20 April]] [[1314]]

|opvolger=[[Pous Johannes XXII|Johannes XXII]]

|geboortedatum= [[1264]]

'''Clemens V''' was die 195ste [[pous]] van die [[Rooms-Katolieke Kerk]] van [[1305]] tot [[1314]]. Hy is veral bekend vir die opheffing van die Tempeliers en die verskuiwing van die setel van die pous na Avignon in Frankryk.

 

'''Pous Clemens V'''<ref>Clement V. (2008). Encyclopædia Britannica. Deluxe Edition. Chicago: Encyclopædia Britannica</ref> is gebore as '''Bertrand de Got''' (ook gespel Gouth of Goth) in [[1264]] in [[Villandraut]], [[Frankryk]]. Hy studeer regte in [[Orléans]] en [[Bologna]] en word biskop van Comminges in Maart [[1295]]. In [[1299]] word hy kardinaal-biskop van Albano en in [[1299]] benoem [[Pous Bonifatius VIII]] hom tot aartsbiskop van [[Bordeaux]]. Na ‘n konklaaf van elf maande volg hy op [[5 Junie]] [[1305]] [[Pous Benedictus XI]] op, maar word eers gekroon op [[14 November]] [[1305]] in [[Lyon]] in die aanwesigheid van koning Philip IV van [[Frankryk]]. Hy regeer tot sy dood, vermoedelik weens kanker, op [[20 April]] [[1314]] en word opgevolg deur [[Pous Johannes XXII]].

Die naam ‘Clemens’ beteken 'die sagmoedige'.

 

Die Franse koning Philip IV, die Skone, wou die [[Orde van die Tempeliers]] vernietig en hulle aansienlike rykdom konfiskeer. Hy het hulle beskuldig van kettery, maar slegs die Kerk kon hulle veroordeel. Philip het gedink die proses sou vinnig afgehandel word na die bekentenisse wat deur foltering verkry is. '''Pous Clemens V'''<ref>Shahan, T. (1908). Pope Clement V. In The Catholic Encyclopedia. New York: Robert Appleton Company. Besoek Januarie 16, 2009 by http://www.newadvent.org/cathen/04020a.htm</ref> het die proses egter moedswillig vertraag. Op Vrydag [[13 Oktober]] [[1307]] word die Tempeliers in [[Frankryk]] gearresteer en op [[22 November]] [[1307]] het Clemens die opdrag gegee aan alle Christelike vorste om die Tempeliers te arresteer en hulle besittings aan die Kerk beskikbaar te stel. In Februarie [[1308]] skort hy die aktiwiteite van die Franse Inkwisisie op. Op [[12 Augustus]] [[1308]] word die pouslike aanklagte teen die Tempeliers gepubliseer en ‘n ondersoekskommissie word aangestel.

 

Die konsilie van Vienne, wat op [[16 Oktober]] [[1311]] begin het, het die lot van die Tempeliers bepaal. Die konsilie wou nie die orde veroordeel nie, maar die pous besluit om die tempelorde tog op te hef, egter sonder om hulle vir kettery te veroordeel. Met die bul “Vox in Excelso” ([[22 Maart]] [[1312]]) skaf hy die orde af en met die bul “Ad Providam” ([[2 Mei]] [[1312]]) dra hy hulle besittings oor aan die Hospitaalridders. Die laaste Grootmeester van die Tempeliers, Jacques de Molay het die pous en die koning vervloek toe hy op die brandstapel sterf.

In [[2001]] word die “perkament van Chinon” <ref> Van de Venn, Ben (2007) Mogelijk rehabiliatie Tempeliers op komst. In: Katholiek Nieuwsblad, 12 October. Url: http://www.katholieknieuwsblad.nl/actueel24/kn2441f.htm. Besoek 12 Januarie 2009</ref> in die geheime argief van die Vatikaan ontdek. Dit bevat die verslag van die verhore van verskeie Tempeliers en ook aantekeninge van Pous Clemens. Daaruit blyk dat die pous hulle in [[1314]] vrygespreek het van kettery, hulle vergewing van sondes gegee het en dat die pous vergiffenis vir sy optrede gevra het.

 

'''Pous Clemens V''' was ‘n regsgeleerde. Hy het sy uitsprake saam met die van die konsilie van Vienne gebundel en uitgegee as die “Clementinae Constitutiones”. Sy opvolger [[Pous Johannes XXII]] het na Clemens se skielike dood, die versameling aan die universiteite deurgegee in [[1317]]. Veral die dekreet “Saepe contingit” is belangrik omdat daarin die minimum vereistes vir ‘n korrekte kerklike hofsaak vasgelê word. Met die bul “Exivi de Paradiso”” van [[6 Mei]] [[1312]] lê hy die regulasies van die Minderbroeders (Fratres Minores) vas.

 

Vanaf [[1305]] bly die pous afwisselend in [[Bordeaux]], [[Poitiers]] en [[Toulouse]]. In Maart [[1309]] het die pouslike hof van Poitiers na [[Avignon]] verhuis. Avignon was toe nie in [[Frankryk]] nie maar ‘n keiserlike leengebied gehou deur die koning van Sisilië. Die verskuiwing na Avignon is deur die Franse geregverdig om rede die toestand in [[Rome]] weens die stryery van die Colonna en die Orsini families, onveilig was. Die pous se hof het egter tot [[1377]] in Avignon gebly.

 

Op aandrang van koning Philip IV, heropen Clemens die Nogaret-hofsaak teen Pous Bonifatius VIII op aanklag van kettery. Die saak het begin op [[2 Februarie]] [[1309]] in Avignon en vir twee jaar aangekarring. Clemens het egter in Bonifatius se onskuld geglo en in [[1311]] is die saak na die konsilie van Vienne verwys.

 

Clemens het van tyd tot tyd met die Mongole onderhandel om ‘n alliansie teen die Moslems te probeer stig. In April [[1305]] stuur die Mongoolse Khan Oljeitu ‘n gesantskap onder leiding van Buscarello de Ghizolfi na Clemens, koning Philip en koning Edward I van Engeland. In [[1307]] is daar nog ‘n gesantskap van die Mongole onder leiding van Tommaso Ugi di Siena. Niks het egter ooit van die onderhandeling gekom nie.

 

 

 

 

{{reflist}}

 

{{En-Wikisource info|Catholic Encyclopedia (1913)/Pope Clement V}}

*{{CE|http://www.newadvent.org/cathen/04020a.htm}}

{{Commons|Clemens V}}

 

Saamgestel en vertaal uit die [[:nl:Paus Clemens V|Nederlandse]], [[:en:Pope Clement V|Engelse]], [[:de:Clemens V|Duitse]] en [[:fr:Clément V|Franse]] wikipedia en aangevul uit ander bronne soos aangedui.

 

{{s-start}}

{{s-bef|voor=[[Pous Benedictus XI|Benedictus XI]]}}

[[th:สมเด็จพระสันตะปาปาคลีเมนต์ที่ 5]]

[[tl:Clemente V]]

[[uk:Климент V]]

[[zh:克雷芒五世]]