Thabo Mbeki: Verskil tussen weergawes

'''Thabo Mvuyelwa Mbeki''' (gebore [[18 Junie]] [[1942]] in [[Idutywa]], [[Queenstown]]), is die voormalige President van [[Suid-Afrika]], asook die [[ANC]]. Hy het [[Nelson Mandela]] op [[16 Junie]] [[1999]] as President opgevolg. Meneer Mbeki het sy tweede termyn as President begin uitdien op [[27 April]] [[2004]], nadat die ANC die algemene verkiesing van 2004 met 'n oorweldigende meerderheid gewen het. Op [[20 September]] [[2008]], kondig hy aan dat hy as president sal bedank na 'n oproep in die verband deur die ANC se Uitvoerende Bestuurskomitee. Sy bedanking is met ingang van [[25 September]] 2008 van krag.

 

Hy is die seun van [[Govan Mbeki|Govan]] en Epainette Mbeki, en het op Idutywa en [[Butterworth]] skoolgegaan. Hy was op hoërskool aan die Lovedale Institute in [[Alice]], maar is geskors ná leerlingstakings in [[1959]], en moes sy leerwerk tuis voltooi. Mbeki het in 1959 sy matriek-eindeksamen aan St John's School in [[Umtata]] geskryf.

 

In [[1956]], terwyl hy nog 'n hoërskoolleerling is, sluit hy by die [[ANC Jeugliga]] aan. Nadat hy sy hoërskoolloopbaan voltooi het, raak hy betrokke by verskeie ondergrondse aktiwiteite in die [[Pretoria]]-[[Witwatersrand]]-gebied ná die ANC in [[1960]] verban is. Hy probeer in [[1961]] die republiekwording van Suid-Afrika verhinder, maar verlaat uiteindelik in [[1962]] die land op aanbeveling van die ANC.

 

Mbeki gaan na [[Zimbabwe]] en toe na [[Kenia]] vir 'n kort tyd, voordat hy na [[Londen]] vertrek waar hy sy Britse A-vlak-eksamen in [[1962]] voltooi. Hy skryf hom in aan die [[Universiteit van Londen]] waar hy sy eerstejaargraad in [[ekonomie]] as 'n eksterne student behaal. Terselfdertyd mobiliseer hy studente om in Londen protes teen apartheid aan te teken. Mbeki studeer in Londen tot [[1966]] toe hy sy Meestersgraad in Ekonomie aan die [[Universiteit van Sussex]] verwerf.

 

In [[1978]] beklee Mbeki die rang van Politieke Sekretaris in die kantoor van die President van die ANC. Hy styg in [[1984]] tot die amp van Direkteur van Departement van Inligting en Publisiteit, 'n pos wat hy tot en met [[1989]] hou. Hy is ook betrokke by geheime vergaderings tussen ANC-lede en lede van die destydse [[Nasionale Party]]-regering, asook by die [[Dakar-Beraad]] waar vername [[Afrikaans]]sprekendes die ANC ontmoet het.

 

Onderhandelinge tussen dié twee politieke groepe lei daartoe dat die ANC wettig verklaar en dat politieke gevangenes vrygelaat word. Hy is ook betrokke by onderhandelinge wat in [[1994]] tot die eerste demokratiese verkiesing lei, en die opstelling van die nuwe Suid-Afrikaanse grondwet.

 

Vanaf 1994 tot [[1999]] beklee hy die amp van Uitvoerende Adjunk-President van die Suid-Afrikaanse regering, waarna hy met Mandela se uittrede tot President verkies word.

 

 

{{beginboks}}

voor=[[Nelson Mandela]]|

na=[[Kgalema Motlanthe]]|

{{opvolgboks|

titel=Voorsitter van die Afrika-Unie|

[[uk:Табо Мбекі]]

[[vec:Thabo Mbeki]]

[[yo:Thabo Mbeki]]

[[zh:塔博·姆贝基]]