Masvingo: Verskil tussen weergawes

'''Masvingo''' (tot in 1982 Fort Victoria, toe die naam 'n kort rukkie Nyanda was) is die oudste Europese nedersetting in [[Zimbabwe]] en verleen sy naam aan die provinsie waarvan hy die hoofdorp is. Dit is 1 067 m bo seespieël geleë. Die geskatte bevolking was 71 966 in 2009, vergeleke met 11 380 tydens die 1969-sensus, 40 jaar vantevore, toe hier 8 500 swartes, 2 500 wittes en 350 bruines en Asiërs gewoon het.

 

 

Die dorp is goed geleë vir die toeristebedryf. Van hier is twee nasionale parke maklik bereikbaar, asook die bouvalle van Groot Zimbabwe, wat in 1980 sy naam aan die nuwe onafhanklike staat verleen het. Dit is aan die spoorlyn na [[Gweru]] geleë en het 'n lughawe wat vir binnelandse vlugte gebruik word.