Locnville: Verskil tussen weergawes

'''Locnville''' is 'n [[Suid-Afrika]]anse musiekduo wat uit die [[Kaapstad|Kaapse]] jongelinge en tweelingbroers Brian en Andrew Chaplin bestaan. Die duo is [[Amerika]]ans gebore, alhoewel hul vader Suid-Afrikaans is en hulle vir die grootste deel van hul lewens in Suid-Afrika woon. Die Chaplins het 'n passie vir musiek begin ontwikkel toe hulle op die ouderdom van ses beide hul eerste kitare gekry het. Die twee het in omgewing Kaapstad fondse deur hul musiek bymekaar gemaak en het op die ouderdom van agt hul eerste enkelsnit, "Amnesia", laat opneem. Tussen die ouderdom van agt en twaalf het hulle op 'n rock-gebaseerde genre gefokus, aangesien Brian perkussie en Andrew kitaar gespeel het. In 2001 het die twee na die Verenigde State verhuis, waar hul styl sterk deur hiphop beïnvloed is. Hulle het terug na Kaapstad verhuis, waar hulle alleenlik op hiphop- en kletskunsmusiek gefokus het. In 2005 en op die ouderdom van 15 het hulle by die 2005 Hip Hop Indaba opgetree, waar hulle die jongste deelnemers was. Die reaksie tydens en ná die optrede was grotendeels positief. Die broers het hulself op [[eTV]] se ''[[The Showbiz Report]]''-vermaaklikheidsnuusprogram gesien en het die stasie gekontak en sodoende 'n tweede insetsel in die program gereël. In hierdie stadium was hulle ook besig met die opname van hul eerste hiphopdemo, getiteld ''Making a name for us''. Die snit "What if I said" het gewildheid in veral Kaapstad gewerf en het die aandag van die Suid-Afrikaanse vervaardiger Gabi le Roux getrek. In samewerking met Le Roux en R&B-/soul-sanger Given Phike is die konsepgroep III gevorm. Hierdie groep se debuutoptrede het by 'n [[Tropika]]-skoonheidsgeleentheid in [[Stellenbosch]] plaasgevind waar hulle die aandag van [[MXit]] se Algemene Bestuurder, Paul Stemmet, getrek het. Hierna het hulle die eerste groep ooit geword om hul debuutalbum op [[MXit Music]] vry te stel. Die vrystelling was geweldig suksesvol en hulle het meer as 500 eenhede000eenhede landswyd verkoop, wat aan dubbelplatinumstatus besorg het. Hulle het ook aan musiekvervaardiging met maatskappye soos [[Kaleidosound Music Productions]], [[Contra-Banned]] en [[MXit]] deelgeneem.