Herodotos: Verskil tussen weergawes

'''Herodotus''' van [[Halikarnassus]] (Grieks: Ἡρόδοτος Ἁλικαρνᾱσσεύς, oftewel ''Hēródotos Halikarnāsseús'') was 'n Griekse [[Historikus|historikus]] van in die 5e eeu vC (c. 484 vC – c. 425 vC), wat beskou word as die "Vader van [[Geskiedenis]]" in die westerse kultuur. Hy was die eerste historikus sovêr bekend, wat sy bronne stelselmatig geraadpleeg het, die akkuraatheid daarvan tot 'n mate getoets het, en dit met 'n goedgeordende en lewendige oorlewering aangebied het.<ref>[[New Oxford American Dictionary]], "Herodotos", [[Oxford University Press]]</ref> Hy is byna uitsluitlik bekend weens sy bundel, ''[[Geskiedenisse van Herodotus|Die Geskiedenisse]]'', 'n verslag van sy "ondersoeke" (Grieks: ἱστορίαι, 'n woord wat in Latyn oorgeneem is, om die hedendaagse betekenis aan te neem) na die oorsake van die [[Grieks-Persiese oorloë]] wat plaasgevind het in 490 en 480-479 vC. Hy onderskei hom veral deurdat hy 'n verhaal van die periode ingesluit het, wat andersins kwalik gedokumenteer sou wees; maar ook weens sy dikwels omslagtige omhaal waarmee hy die verskillende plekke en mense gemeld het wat hy tydens sy wye omswerwinge in die lande aan die [[Middellandse See|Middellandse]] en [[Swartsee|Swartseë]] teëgekom het. Alhoewel sommige van sy stories nie volkome akkuraat was nie, het hy beweer dat hy slegs weergegee het, wat aan hom gerapporteer is.

 

[[Kategorie:Grieke]]

[[Kategorie:Geskiedenis van Griekeland]]