Adonis: Verskil tussen weergawes

'''Adonis''' ([[Grieks]]: Ἄδωνις) is ’n figuur van Wes-Semitiese oorsprong, ’n sentrale kultusfiguur in verskeie [[Griekse mitologie|Griekse]] en [[Romeinse mitologie|Romeinse mites]]. Hy is nou verwant aan ander mitiese gode van wedergeboorte en plantegroei, soos die [[Egipte|Egiptiese]] [[Osiris]] en die [[Frigië|Frigiese]] [[Attis]]. Hy is veral deur vroue aanbid: die kultus van die sterwende Adonis was baie bekend onder die jong meisies om [[Sapfo]] op [[Lesbos]], omstreeks 600 v.C.<ref>Die moderne standaard-verhaal van Adonis in die Griekse kultuur is W. Atallah se ''Adonis dans la littérature et l'art grecs'', Parys, 1966 (in [[Frans]].</ref>

 

==Die geboorte en dood van Adonis==

Adonis se geboorte is baie verwarrend vir enigiemand wat ’n enkele, gesaghebbende weergawe soek. Die patriargale Hellenes het ’n vader vir die god gesoek, en hom gevind in [[Byblos]] en [[Ciprus]], en geleerdes meen dis ’n aanduiding van die rigting waaruit Adonis se kultus die Grieke bereik het. Pseudo-Apollodorus (''[[Bibliotheke]]'', 3.182) het gemeen Adonis is die seun van [[Cinyras]], van [[Paphos]] op Ciprus, en [[Metharme]]. [[Hesiodus]] het geglo sy vader was [[Phoinix]] en [[Aiphesiboia]]. In Ciprus het die kultus van Adonis dié van [[Cinyras]] geleidelik verdring.<ref>Atallah 1966</ref> Walter Burkert het gewonder of Adonis nie van die heel begin saam met [[Afrodite]] na Griekeland gekom het nie (Burkert 1985, p. 177).