Nederduitse Gereformeerde Kerk: Verskil tussen weergawes

Kontak met die inheemse bevolking het ’n unieke geleentheid gebied vir sendingwerk en onderwys. Die kerk se bydrae is egter gekortwiek deur ’n tekort aan predikante en predikante vanaf [[Nederland]] en [[Skotland]] moes in hierdie tekort voorsien. Deur die [[Groot Trek]] in die laat dertigerjare van die 19de eeu, het ’n groot deel van die bevolking oor die noordelike grens ([[Oranjerivier]]) van die [[Kaapkolonie]] getrek na die gebiede wat later bekend sou staan as die [[Oranje-Vrystaat]], [[Natal]] en [[Transvaal]].

 

Talle nuwe gemeentes het sodoende ontstaan en die behoefte aan predikante het toegeneem. Die golf van liberalisme wat oor [[Europa]] gespoel het, het die behoefte aan eie teologiese opleiding vir die NG Kerk gestimuleer en die eerste Teologiese Kweekskool word in [[1859]] op [[Stellenbosch]] gestig.