Wawel-katedraal: Verskil tussen weergawes

Content deleted Content added
Voyageur (besprekings | bydraes)
k →‎Laaste rusplekke in die Sint Leonardus-kripte: Lêer:Krypta Pilsudski Wawel 2.jpg ingevoeg
Voyageur (besprekings | bydraes)
k →‎Geskiedenis: + skakel
Lyn 4:
Die huidige [[kerk (gebou)|kerkgebou]] het twee geskiedkundige voorlopers: die Sint Wenceslaus-katedraal uit die jaar [[1020]] (wat in [[1038]] deur die [[Tsjeggië|Tsjeggiese]] vors Břetislav vernietig is) en die Romaanse katedraal met drie skepe wat in [[1142]] gewy is. Dit huisves die graf van die heilige biskop en martelaar Sint Stanislaus van Krakau. Die laasgenoemde gebou is in [[1305]] deur 'n brand vernietig, en slegs die Sint Leonardus-kripte het bewaar gebly.
 
Enkele jare later het biskop Nanker met die bou van 'n nuwe [[Gotiese argitektuur|Gotiese]] katedraal begin. Aangesien Krakau tot en met [[1609]] as [[hoofstad]] van Pole gefungeer het en die koninklike kasteel op die plaaslike Wawel-heuwel geleë was, het die katedraal as hofkerk gedien. Die konings van Pole is in sy grafkelder ter ruste gelê. Ook Pole se heilige koningin, [[Hedwig van Pole|Hedwig (Jadwiga)]] lê sedert [[1399]] in die katedraal begrawe.
 
Die katedraal is in die volgende eeue verskeie kere omgebou. Rondom die sakrale gebou het kapelle ontstaan, waaronder Bartholomeu Berrecci se Sigismund-kapel uit die jaar [[1533]]. Die Sigismund-kloktoring, wat in die tweede helfte van die 14de eeu as deel van die Wawel-versterkings ontstaan het, behels die eerwaardigste klok van Pole, ''Sigismundus''. Die Mausoleum van Sint Stanislaus het in die 17de eeu in die katedraal se viering ontstaan. Gedurende die 18de eeu is dele van die gebou en sy binneversiering [[Barok-styl|gebarokiseer]].