NG gemeente Gweru: Verskil tussen weergawes
Content deleted Content added
Morne (besprekings | bydraes) Nuwe blad: Die '''NG gemeente Gweru''' (tot 1982 Gwelo) is 'n Zimbabwiese gemeente van die Nederduitse Gereformeerde Kerk in die Noordelike Sinode se Ring van Midde-Afrika, vroeër ... |
Morne (besprekings | bydraes) No edit summary |
||
Lyn 1:
Die '''NG gemeente Gweru''' (tot 1982 Gwelo) is 'n [[Zimbabwe|Zimbabwiese]] gemeente van die [[Nederduitse Gereformeerde Kerk]] in die Noordelike Sinode se Ring van Midde-Afrika, vroeër die [[Sinode van Midde-Afrika]] in die stad [[Gweru]]. Volgens die 2009-Jaarboek van die NG Kerke het die gemeente 3 belydende lidmate gehad en geen dooplidmate nie<ref>* Van Renen, Adri-Louise (hoof: Tydskriftemaatskappy), ''Jaarboek van die Nederduitse Gereformeerde Kerke 2009''. Wellington: Tydskriftemaatskappy, 2008.</ref>.
Voor die afstigting van die destydse Gwelo is dit as buitepos van [[NG gemeente Bulawayo]] bedien. Op 6 November 1920 vergader die Ringskommissie van die Ring van Bulawayo, wat al die gemeentes in [[Suid-Rhodesië]], [[Noord-Rhodesië]] en Oos-Afrika ingesluit het en destyds nog onder die Kaapse NG Kerk geval het voor dit in 1928 aan die Vrystaatse Kerk oorgedra is, op [[Gweru|Gwelo]] in 'n sinkkerkie wat van 'n Engelse genootskap oorgekoop is. Na 'n hele dag se beraadslaging, veral oor die vasstelling van grenslyne, gaan die kommissie oor tot die afstigting van die gemeente Gwelo met die buitewyke [[Kwe Kwe|Que Que]], Umvuma, [[Selukwe]], [[Shabani]], Greystones en Daisyfield.
Ds. J.N. Geldenhuys van die moedergemeente aanvaar eers die tweede beroep en word op 3 Junie 1922 op Gwelo as eerste leraar en herder bevestig. Sy bediening was egter van korte duur toe hy Oktober 1925 na 'n gemeente in die [[Unie van Suid-Afrika|Unie]] vertrek.
Die kerkraad bring sewe tevergeefse beroepe uit, maar uiteindelik word ds. G.J. van Zyl op 3 Februarie 1927 bevestig. Na 'n lang en vrugbare diens van 16 jaar moes hy sy demissie weens swak gesondheid aanvaar. Hy moes feitlik sewe gemeentjies (buitewyke) terselfdertyd bedien, waarvan [[Shabani]] 96 km ver was en Umvuma 80 km. Die kerkraad vra toe vir ds. H. Botha, wat medeleraar en direkteur van die Daisyfield-inrigting ([[Bothashof]]) was om leraar te word en hy dien van 9 Januarie 1944. Na byna ses jaar vertrek hy na [[Fauresmith]] in die [[Vrystaat]].
Ná Botha se vertrek word ds. A.F. Louw direkteur van [[Bothashof]]. Die kerkraad bring drie vergeefse beroepe uit, maar die vierde, prop. S.F. Dreyer, aanvaar en word op 17 Maart 1951 as herder en leraar bevestig.
==Enkele leraars==
* J.N. Geldenhuys, 1922 - 1925
* G.J. van Zyl, 1927 - 1943
* H. Botha, 1944 - 1949
* Abraham Faure Louw, 1946 - 1956 (medeleraar en direkteur van Daisyfield-kinderhuis, vanaf 1950 [[Bothashof]])
* S.F. Dreyer, 1951 - ?
* Matthys Johannes Swart, 1954 - 1959
* Jacob Stephanus Dreyer, 1959 - 1963
* Gerhard Johan Steyn Doyer, 1975 - 1978
==Verwysing==
| |||