Verskil tussen weergawes van "NG Kerk in Zambië"

In [[1933]] is die werk in die [[Koperstreek]] saamgevat in die [[NG gemeente Nkana]]. In dié provinsie is daar uiteindelik nog vier gemeentes afgestig. Ene W.C. Cilliers het reeds die ryk koperneerslae van die [[Koperstreek]] in 1902 ontdek, maar die gebied was ongeskonde boswêreld tot daar in 1925 met ontginning begin is. Binne die eerste vyf jaar het 10 000 blankes uit alle wêrelddele na [[Noord-Rhodesië]] gekom. Werk was volop en die salarisse goed. Skaars het die myne egter begin koper uitvoer toe pryse skielik weens die [[Groot Depressie]], wat van omstreeks 1930 tot 1935 geduur het, skerp daal en werkloosheid ontstaan. Later het die koperprys herstel en die myne onverpoos uitgebrei.
 
[[Beeld:MW_Retief.jpg|thumb|right|190px|Dr. M.W. Retief, eerste leraar van die kopermyne.]]
Die eerste NG lidmate in die [[Koperstreek]] het onder die sorg van die enigste Noord-Rhodesiese gemeente, [[NG gemeente Lusaka|Lusaka]], geval. Dr. H.C. de Wet van Lusaka was die eerste leraar wat vir NG lidmate in die [[Koperstreek]] verantwoordelik was. Midde-in die [[Groot Depressie]] stig Nkana van Lusaka af. Nkana was die myn by die huidige stad [[Kitwe]], wat die mees sentrale punt van al die ontluikende myndorpe was. 'n Sendeling van die [[Vrystaat]]se kerk, dr. M.W. (Malcolm) Retief, was die eerste leraar van die myne. Die uitgestrekte werkkring met sy veelsydige probleme het besondere eise aan die leraar gestel. Sy huis was dikwels as 't ware net 'n kuierplek omdat hy soms tot ses weke op 'n keer besig was om nagmaal elders te bedien, selfs tot in [[Lubumbashi|Elizabethville]] in die Kongo. Ná nege jaar se moedige, vasberade bediening het Retief en sy vrou terug [[Suid-Afrika]] toe verhuis. Ds. D.J Redelinghuys het hom opgevolg en vir die meeste van sy vier jaar lange bediening 'n hulpprediker, ene prop. Viviers met standplaas [[Mufulira]], gehad om hom by te staan. Ds. A.J. Erasmus het die herderstaf by Redelinghuys oorgeneem.
 
85 790

wysigings