Szlachta: Verskil tussen weergawes

Content deleted Content added
Voyageur (besprekings | bydraes)
Voyageur (besprekings | bydraes)
Lyn 33:
 
Tot in die vroeë 16de eeu was familiename in Poolse adellike kringe feitlik onbekend, met uitsondering van enkele baie ou vanne wat nog uit die voor-Christelike periode gedateer het. Volgens die Westerse tradisie is slegs name gebruik wat na die adellike stamsetel verwys het - gewoonlik is die voorsetsel ''z'' voor die naam van die besitting gevoeg (vergelykbaar aan die Duitse adellike ''von''). Eers ná 1500 is die name van besittings tot byvoeglike naamwoorde met die eindings ''-ski'' of ''-icz'' gewysig. Hierdie naamvorme was egter allesbehalwe van lange duur en is verander sodra 'n groter of belangriker besitting verkry is. Martin van Siecin (Pools ''Marcin z Siecina'') het hom byvoorbeeld in die 16de eeu eers ''Marcin Siecinski'' ("Martin [van die] Siecyne") genoem en sy naam ná sy huwelik met 'n vrou van die landgoed Krasiczyn na ''Marcin Krasicki'' verander.
 
Omstreks 1200 het die Poolse adel begin om wapens te voer. In teenstellings met die res van Europa was daar egter geen familiewapens nie, maar tussen 160 en 170 wapengemeenskappe (Pools ''Rody Herbowe'') waar dieselfde wapen deur 'n aantal families gevoer is. Hierdie wapengemeenskappe het tot 1815 bestaan.
 
== Verwysings ==