Koerse Skoorwal: Verskil tussen weergawes

Content deleted Content added
Voyageur (besprekings | bydraes)
k Herbewoording
Voyageur (besprekings | bydraes)
k + skakel
Lyn 2:
Die '''Koerse Skoorwal''' ([[Litaus]]: ''Kuršių nerija'', [[Russies]]: Куршская коса, [[Duits]]: ''Kurische Nehrung'') is 'n landstrook en skiereiland met 'n totale lengte van 98 kilometer wat tussen die [[Litaue|Litause]] hawestad [[Klaipėda]] in die noorde en Lesnoi (Litaus: ''Sarkuva'', Duits: ''Sarkau'') in die [[Rusland|Russiese]] eksklawe [[Kaliningrad-oblast|Oblast Kaliningrad]] in die suide geleë is. Die westelike kuslyn grens aan die [[Oossee]], die oostelike aan die [[Koerse Haf]], 'n uitgestrekte baai.
 
Die landskap se naam dateer uit die tydperk van die [[Duitse Ridderorde]] en het destyds eerder na die pad na Koerland en Lyfland as na die Koerse volk verwys. Van die landstrook is tans 52 kilometer Litause en 46 kilometer Russiese grondgebied. Die wydste punt met 3,8 kilometer is by die ''Bulvikio ragas'' of Bulvikse Hoek, vier kilometer noordoos van die Litause dorp [[Nida]] ([[Neringa-munisipaliteit]]), geleë. Die smalste punt naby die Russiese nedersetting Lesnoi is net 380 meter wyd.
 
Sowat 70 persent van die Koerse Skoorwal is met dennebosse bedek. Die landstrook word deur landskapsvorme gekenmerk wat anders net in Suid-Europa, [[Skandinawië]] of die [[Sahara]]-woestyn voorkom. Dit bestaan uitsluitlik uit strandgebiede met fyn sand en reuse-duine met hoogtes van tussen vier en twaalf meter wat as gevolg van ontbossings verskeie kere na dorpsgebiede uitgebrei en hulle onder sand begrawe het. Eers in die tweede helfte van die 19de eeu het die duininspekteur Wilhelm Franz Epha daarin geslaag om die duine te beplant en sodoende te stabiliseer.