Heroldsbaai: Verskil tussen weergawes

Heroldsbaai het weinig permanente inwoners. Die meeste huise is baie beskeie en dateer uit die eerste helfte van die vorige eeu. Enkele van hierdie ou huise is gesloop en vervang met dubbelverdiepinggeboue. Waar die Skimmelkranspad doodloop, het Ernie Els 'n huis op die strand laat bou.

In 1972 is 'n deel van die plaas Buffelsfontein op die paltoplato omskep tot die woonbuurt Heroldsbaaihoogte. Hier is baie permanente bewoners wat meestal in George werk. Met hierdie ontwikkeilngontwikkelling is Heroldsbaai ook aangesluit op George se elektrisiteitss-, water- en rioolnetwerk. Dit het die verdere ontwikkeling ten goede gekom. Verskeie mense woon ook op die nabygeleë gholfbaan by Oubaai (Dutton's Cove).

Junie 1935 is Heroldsbaai geteister deur die hoogste vloed in menseheugenis. Dit het boonop gepaard gegaan met hewige reënbuie en het die Brakfonteinspruit sterk laat loop. 'n Gedenkplaat in die kloof toon die hoogste watervlak aan wat toe aangeteken is. Tussen Kersfees en Nuwejaar 1949 het dit so gereën dat die modderwater teen die hange afgeloop het dwarsdeur huise en tente. Tien jaar later het 'n stormsee weer skade aangerig. Meisies van die kloosterskool op George wat in hul strandhuis was, moes teen die kop uitklim om weg te kom terwyl hul koffers in die branders rondgespoel is. In 1980 is 'n versterkte seemuur gebou om skade aan die kuseiendomme te rpobeerprobeer teengaan. Weer tussen Kersfees en Nuwejaar, maar nou in 2008, was die see so ontstuimig dat dit SkoimmelkranswegSkimmelkransweg en Sandstrandweg tot teen die huise met 'n dik laag skuim bedek het.