Darius en Girėnas: Verskil tussen weergawes

 

== Die vlieëniers ==

Steponas Darius is in 1896 in 'n klein dorpie naby die hawestad [[Klaipėda]] gebore wat later ter ere van die lugvaartpionier tot Dariškės hernoem is. In 1907 het hy saam met sy gesin na die Verenigde State geëmigreer waar hy later in Chicago 'n tegniese opleiding voltooi en vanaf 1917 in die Amerikaanse leër gedien het.

 

Darius het drie jaar later na die nuutgestigte Republiek van Litaue teruggekeer waar sy opleiding in die militêre akademie van Kaunas sy belangstelling vir vlieëry gewek het. In 1927 - die jaar waarin Charles Lindbergh sy historiese ononderbroke transatlantiese vlug onderneem het - het Darius hom weer as vlieënier in die VSA gevestig om vir 'n eie vliegtuig te spaar.

In 'n vliegskool het hy kennis met sy landgenoot Stasys Girėnas, 'n vliegtuigmeganikus, gemaak. Girėnas was net soos Darius opgewonde oor die idee om 'n transatlantiese vlug te onderneem - 'n droom wat uiteindelik danksy skenkings deur Litause emigrante in die VSA sou bewaarheid. In 1932 kon hulle 'n enkeldekker, 'n ''Bellanca CH-300 Pacemaker'' wat hulle ''Lituanica'' gedoop het,

vir bykans VSA-$ 8&nbsp;500 koop wat deur Girėnas vir 'n langafstandvlug omgebou is. Hulle het nogtans nie oor die geldmiddele vir 'n navigasietoerusting en radiosender beskik nie. Toe die ''Lituanica'' op 15 Julie 1933 sonder amptelike goedkeuring op pad na Kaunas in New York opgestyg het, was dit ook oorbelaai.<ref>Heiko Meyer en Christiane Bauermeister: ''Litauen''. Ostfildern: DuMont 2007, bl. 126</ref>