Pous Urbanus VIII: Verskil tussen weergawes

'''Urbanus VIII''' was die 235ste [[pous]] van die [[Rooms-Katolieke Kerk]] van [[1623]] tot [[1644]]. Hy was die laaste pous wat gewapende stryd gebruik het om die pouslike gebiede te vergroot. Hy het die kunste bevorder en die kerk se sending hervorm. Die groot geldelike skuld wat hy egter gedurende sy pontifikaat opgebou het, het die pousdom verswak omdat sy opvolgers weens gebrek aan fondse nie die militêre en politiese mag in Europa kon volhou nie. Urbanus was ook betrokke by die konflik met [[Galileo]] oor die heliosentriese stelsel.

'''Pous Urbanus VIII'''<ref>Ott, M. (1912). Pope Urban VIII. In The Catholic Encyclopedia. New York: Robert Appleton Company. Besoek Julie 2, 2010 by: http://www.newadvent.org/cathen/15218b.htm</ref> was pous vir 21 jaar gedurende die Dertigjarige Oorlog. Hy het Elisabeth van Portugal en André Corsini heilig verklaar. Hoewel hy bevriend was met [[Galileo]] was Urbanus verantwoordelik daarvoor dat Galileo na Rome geroep is om sy heliosentriese stellings te herroep. Die proses teen Galileo het van [[23 September]] [[1632]] tot [[22 Junie]] [[1633]] geduur. Die veroordeling van Galileo is eers op [[31 Oktober]] [[1992]] deur [[Pous Johannes Paulus II]] herroep.