Pous Alexander VII: Verskil tussen weergawes

'''Pous Alexander VII'''<ref>Alexander VII. (2008). Encyclopædia Britannica. Deluxe Edition. Chicago: Encyclopædia Britannica.</ref> is gebore as [['''Fabio Chigi]]''' op [[13 Februarie]] [[1599]] in [[Sienna]], [[Italië]]. Die Chigi's was 'n belangrike familie in Rome. Sy pa Flavio Chigi was 'n neef van [[Pous Paulus V]] en sy moeder was Laura Marsigli. Fabio was 'n sieklike kind en het sy skoolopleiding tuis ontvang. Toe hy sewe-en-twintig geword het, het hy 'n doktoraat in die filosofie, regte en teologie verwerf aan die Universiteit van Sienna. In Desember 1626 tree hy in diens van die kerk en in 1627 stel [[Pous Urbanus VII]] hom aan as vise-legaat in Ferrara. Hy werk vir vyf jaar vir kardinale Sacchetti en Palotta. Die kardinale beveel hom aan as inkwisiteur van Malta en wy hom tot biskop. Op [[8 Januarie]] [[1635]] word hy biskop van Nardò. Op [[11 Junie]] [[1639]] word hy nuntius in Keulen en in 1644 woon hy die konferensie van Münster by as die afgevaardigde van [[Pous Innocentius X]]. Innocentius roep hom terug na Rome en maak hom staatsekretaris. Op [[19 Februarie]] [[1652]] word hy kardinaal-priester en op [[13 Mei]] [[1653]] aartsbiskop van Imola. Op [[7 April]] [[1655]] volg hy [[Pous Innocentius X]] op na 'n konklaaf van tagtig dae en word gekroon op [[18 April]] [[1655]] deur kardinaal Teodoro Trivulzio. Hy regeer tot sy dood op [[22 Mei]] [[1667]] en word opgevolg deur [[Pous Clemens IX]].