Hainaut: Verskil tussen weergawes

Content deleted Content added
Voyageur (besprekings | bydraes)
Voyageur (besprekings | bydraes)
Lyn 29:
=== Kastele ===
[[Lêer:Beloeil castel 1 Luc Viatour.jpg|thumb|right|250px|'n Nagaansig van die kasteel van Belœil]]
Die waterkasteel Belœil in die gelyknamige nedersetting was sedert [[1394]] in besit van die vorste van Ligne. Vanweë die uitgestrekte tuin word na die kasteel, wat steeds volledig met antieke meubels gemeubileer is, dikwels ook as die "Versailles van die Noorde" verwys. Die Belœil-kasteel huisves 'n waardevolle versameling van meubels en kunswerke uit die tydperk tussen die 15de en 19de eeu, waaronder geskenke en aandenkings aan tsaar [[Pieter I van Rusland|Pieter die Grote]], Marie Antoinette en tsarin [[Katharina II van Rusland|Katharina die Grote]]: meubels uit die ''Régence''- of regentskap-periode; muurbehangsels uit Brussel, Lille en die Beauvais; [[porselein]] uit Sjina en Meißen; Maaslandse marmerkuns uit die 14de eeu; 'n baldakyn-bed en lakwerk-skryfkabinette uit Sjina asook meubilering wat deur François Boulle geskep is. Die kasteel se biblioteek, wat onder die regentskap van Albert-Henri, 2de vors van Ligne gestig is, beskik oor sowat 20 000 boeke - merendeels eerste uitgawes wat met kunsvolle leeromslae oortrek is asook kosbare handskrifte.
 
Die kasteel van Seneffe huisves sedert [[1978]] 'n museum vir goudsmeekuns. Daarnaas kan besoekers hier 'n tydreis in die [[18de eeu]] onderneem - 'n tydperk van nuwe ontdekkings waartydens mense vir die eerste keer in aanraking met onbekende geure en vreemde spesialiteite uit verre lande gekom het soos byvoorbeeld speserye, tee, [[sjokolade]] en [[koffie]].