NG gemeente Waterval: Verskil tussen weergawes

In die onmiddelike omgewing het ook nog [[NG gemeente Greymont|Greymont]] in 1954, [[NG gemeente Claremont|Claremont]] in 1958 en [[NG gemeente Aasvoëlkop|Aasvoëlkop]] in 1959 ontstaan. Op hulle beurt het [[NG gemeente Crosby-Wes|Hurst Hill]] (later Crosby-Wes) in 1949 van Westdene afgestig en van Linden: [[NG gemeente Randburg|Ferndale]] (later Randburg) in 1944, Fairland en Fontainebleau in 1955 en Lindenpark in 1962. Triomf is in 1967 tussen Waterval en Westdene gestig ná die gedwonge verskuiwings uit Sophiatown en uiteindelik in 1982 Weltevreden van Fairland afgestig, sodat daar teen die middel jare tagtig reeds 13 gemeentes regstreeks of onregstreeks uit Waterval ontstaan het. Anders as die geval met die dogtergemeentes van byvoorbeeld [[NG gemeente Fordsburg|Fordsburg]] en [[NG gemeente Jeppestown|Jeppestown]], is teen 2010 nog net een van Waterval se afstammelinge, [[NG gemeente Crosby-Wes|Crosby-Wes]] by 'n aanliggende gemeente ingelyf, naamlik [[NG gemeente Vergesig|Vergesig]], waarvan lidmate 'n belangrike onderdeel uitmaak.