Frans Maritz: Verskil tussen weergawes

Ds. '''Francois (Frans) Maritz''' ([[13 April]] [[1946]] in [[Harare]] – [[23 Februarie]] [[2003]] tussen [[Beatrice]] en [[Harare]]) was leraar in die [[Nederduitse Gereformeerde Kerk]], 'n leier in die [[Sinode van Midde-Afrika]] en ’n sleutelfiguur in laasgenoemde se inskakeling in 2003 by die Sinode van Noord-Transvaal (nou Noordelike Sinode) en ’n steunpilaar vir al die lidmate in [[Zimbabwe]] in die moeilike tye wat hulle in die jare voor sy dood beleef het. Dat hy so skielik deur ’n motorongeluk weggeruk is, was ’n uiters gevoelige slag vir die kerk.

 

 

Vir sy teologiese studie gaan hy van 1962 tot 1972 na die [[Kweekskool]] op [[Stellenbosch]]. Hy behaal die grade B.A. (1967), B.A. (Hons.) (in Klassieke Tale (1969), B.Th. (1971) en ’n Lisensiaat Teologie (1972). In 1985 voltooi hy die M.Th.-graad. Sy verhandeling het gegaan oor "Die boodskap van die Hebreërs". As student het hy opgetree as tydelike dosent in Klassieke Tale aan die [[Universiteit van Fort Hare]] (1967), [[Universiteit Stellenbosch|Stellenbosch]] (1968) en [[Universiteit van Wes-Kaap|Wes-Kaapland]] (1969-'71).

 

 

Op 30 Desember 1971 tree hy in die huwelik met Jesse Anna Yeld, wat haar doktorsgraad in Klassieke Kultuur voltooi het en later dosent in dié vakrigting aan die [[Universiteit van Zimbabwe]] was. Hulle het tussen 1973 en 1983 drie dogters en twee seuns gehad.

 

In 1976 keer Maritz met sy vrou en drie dogters na [[Zimbabwe]] terug toe hy leraar word van die pasgestigte [[NG gemeente Kwe Kwe|Que Que]]. Hier beleef hy die uittig van lidmate in die aanloop tot die land se onafhanklikwording in 1980. In 1982 word hy benoem as saakgelastigde van die [[Sinode van Midde-Afrika]] en was hy ook die Sinode se ex officio skriba. In dié amp is hy talle sinode-kommissies betrek, byvoorbeeld die Kerkkantoorkommissie, skriba van die Moderatuur en die Sinodale Kommissie, Beheerraad van Huis Vergesig (enigste tehuis vir bejaardes in Midde-Afrika), Argiefkommissie van Transvaal en Midde-Afrika, lid en tesourier van die Raad van die Bybelgenootskap van Zimbabwe, dagbestuur van die Zimbabwiese Raad van Kerke, lid van die Subkommissie vir Geregtigheid, Vrede en Versoening en lid van die Algemene Fondsekommissie en Algemene Sinodale Kommissie van die Algemene Sinode. Hy was ook ’n flukse medewerkers van die ''[[Kerkbode]]'' en het oral in Zimbabwe preekbeurte waargeneem.

 

Dit was juis op pad terug van ’n diens op [[Beatrice]] (suid van [[Harare]]) saam met sy vrou ná hy ’n diens daar waargeneem het dat ’n bus van voor gekom het, ’n vragmotor wou verbysteek en hulle motor getref het. Hy is op slag dood. Jesse het ernstige harsingskudding opgedoen, maar oorleef. Sy het genoegsaam herstel om sy begrafnis by te woon, waaraan die hele gesin deelgeneem het.

 

 

==Bron==

 

==Eksterne skakels==