Dêmos: Verskil tussen weergawes

Content deleted Content added
JMK (besprekings | bydraes)
kNo edit summary
JMK (besprekings | bydraes)
kNo edit summary
Lyn 4:
Dêmoi was aanvanklik eenvoudige afbakenings van die landelike gebied, wat blykbaar reeds in die 6de eeu v.C. en vroeër erken is, maar wat egter in 508 v.C., met die hervorminge van [[Kleisthenes]], ‘n spesifieke betekenis verkry het. In daardie hervorminge het die opname in die burgerlys van ‘n dêmos ‘n voorwaarde vir burgerskap geword; tevore is burgerskap bepaal na gelang van lidmaatskap van ‘n [[phratria]], of familiegroep. Terseldetyd is dêmoi ook in die stad Athene self gevestig, waar dit nie voorheen bestaan het nie; in geheel was Attika, teen die einde van Kleisthenes se hervorminge, in 139 dêmoi onderverdeel. Met die vestiging van dêmoi as die grondliggende eenhede van die staat, is die gesag van die [[genos|genê]], oftewel aristokratiese groepe, verswak, wat die phratria oorheers het.<ref>J.V. Fine, ''The Ancient Greeks: A Critical History''</ref>
 
‘n Dêmos het tot ‘n mate as ‘n [[polis|stadstaat]] in die kleine fungeer, en inderdaad was sekere dêmoi, soos [[Eleusis]] en [[Acharnae]], beduidende dorpe. Oor elke dêmos is ‘n ''demarchos'' aangestel, as die toesighouer oor interne sake, en dit kon verder oor ‘n verskeidenheid burgerlike, godsdienstige en militêre ampsbekleërs beskik. Dêmoi het hul eie godsdienstige feeste gehou, inkomste ontvang en besteding aangegaan.<ref>David Whitehead, "Deme" in die ''Oxford Classical Dictionary'', Simon Hornblower en Antony Spawforth red.</ref>
 
Dêmoi is met ander dêmoi van dieselde omgewing saamgestel om [[trittys|trittyes]] (een-derde gedeeltes) te vorm, groter bevolkingsgroepe, wat op hul beurt saamgestel is om die tien stamme te vorm, oftewel die [[phylê|phylai]] van Athene. Elke stam het een [[trittys]] van elk van die drie streke bevat, naamlik van die stad, die kusstreek en die binnelandse gebied.