Hy beskou sy meesterwerk as die [[The Dark Tower|Donkertoringreeks]], 'n reeks van sewe boeke. Omtrent al sy ander werk is intertekstueel verwant aan hierdie reeks.
justin bieber
== Skryfstyl ==
King glo dat goeie stories nie bewustelik opgeroep en vooraf uitgekaart kan word nie. Dit is beter, dink hy, om op 'n "saadjie" te fokus en die storie vanself vandaar af te laat vloei. Hy begin verhale gereeld sonder om te weet hoe dit gaan eindig. Hy is bekend vir sy goeie oog vir detail, vir goeie kontinuïteit en vir die voorgemelde digte intertekstuele styl van al sy werk. Hy verwys baie na Amerikaanse geskiedenis en kultuur. Teenoor sy donker gruwelinhoud staan sy informele volksvertellerstyl in sterk kontras.
Hy het twee eenvoudige gedagtes oor die verkryging van goeie skryfvermoë en oor die bepaling of 'n skrywer talent het:
* ''Lees vier uur lank elke dag en skryf vier uur lank elke dag. As 'n mens nie die tyd daarvoor kry nie, kan 'n mens nie verwag om 'n goeie skrywer te kan word nie.''
* ''As jy iets geskryf het en iemand het vir jou 'n tjek daarvoor gestuur, as jy die tjek gaan wissel het en dit het nie gehop nie, en as jy jou kragrekening dan met die geld betaal het, beskou ek jou as talentvol.''
