Volgens [[Diogenes Laërtios]], het die gemelde uitgesproke [[agnosties]]e standpunt van Protagoras weersin ontlok, sodat die Atheners hom uit die stad verdryf het, en alle kopieë van die boek in die markplein versamel het en verbrand het; dit word ook deur [[Cicero]] vermeld.<ref>Cicero, de Natura Deorum, 1.23.6</ref> Nietemin betwyfel die klassikus [[John Burnet (klassikus)|John Burnet]] hierdie verslag, aangesien beide Diogenes Laërtios en Cicero honderde jare later geskryf het en geen sodanige vervolging van Protagoras deur sy tydgenote gemeld word nie, terwyl hulle wel ekstensief na hierdie filosoof verwys.<ref>John Burnet, "Greek Philosophy: From Thales to Plato", 1914</ref> Burnet merk op dat selfs indien sekere kopieë van Protagoras se boeke verbrand is, genoeg daarvan oorleef het dat dit in die volgende eeu bekend was en bespreek is.
