Pylsterteend: Verskil tussen weergawes

Die wêreldwye pylsterteendbevolking word tans op tussen 6 100 000 en 7 500 000 geskat. Die spesie is [[endemies (ekologie)|broei-endemies]] in die noordelike dele van [[Asië]] en oor die grootste deel van [[Kanada]], [[Alaska]] en die noordelike VSA. Die pylsterteende oorwinter verder suid, en is endemies aan enkele dele van Europa en die VSA. Die oorwinteringsgebied sluit sentrale en suidelike dele van Noord-Amerika, Noord-Afrika aan die Middellandse See en die meeste dele van [[Europa]], 'n strook oor Afrika vanaf [[Mauritanië]] in die weste tot sover as die ewenaar in [[Kenia]] in die ooste, en van daar af noord tot by die Middellandse See, asook [[Indië]] en ander dele in die Verre-Ooste in. In Kenia bewoon hulle standhoudende watergebiede en oorwinter in groot getalle op die mere van die Groot Afrikaanse Skeurvallei en in die sentrale en westelike hooglande.