Slag van Stormberg

Die Slag van Stormberg het op 9 Desember 1899 plaasgevind by die Stormberg spoorlyn aansluiting, 20km noordwes van Molteno, in die Oos-Kaap plaasgevind. Die slag was die eerste nederlaag vir die Britte in die sogenaamde 'Swartweek'. Gedurende die nag van 9 Desember het generaal-majoor sir William Gatacre en sy Brigade die Boeremagte aangeval wat in die heuwels ingegrawe was. Die geveg was hard en beslissend. Gatacre het na Molteno teruggeval en 90 dooies en 634 gevangenes agtergelaat. Een van die slagoffers was Raymond de Montmorency VC, bevelvoerder van die Montmorency Scouts.