Reusegebergte: Verskil tussen weergawes
Content deleted Content added
Lyn 30:
== Klimaat ==
Die klimaat van die Reusegebergte word deur skielike weerskommelinge gekenmerk. Die winters is relatief koud met gereelde swaar sneeuvalle. Groot dele van die bergreeks is tussen vyf en ses maande lank met 'n dik sneeulaag van dikwels meer as drie meter bedek. Ná sneeustorms in Januarie en Februarie of sodra dooiweer intree, ontstaan lawinegevaar sodat bepaalde gebiede vir wintersport gesluit moet word. Een van die ergste sneeustortings in die Reusegebergte het op [[20 Maart]] [[1968]] in Biaŀy Jar aan die Poolse kant 19 menselewens geëis.
Hoër geleë gebiede word gereeld deur digte mis omhul. Die Schneekoppe as hoogste bergpiek lê op gemiddeld 296 ten minste tydelik onder mis en wolke. Die gemiddelde jaarlikse temperatuur beloop hier slegs 0,2 °C. [[Lêer:PL Karkonosze OkChojnika.JPG|thumb|left|'n Tipiese wintertoneel naby die Chojnik-kasteel]]
Gedurende die herfs- en wintermaande is die verhouding soms andersom sodra 'n sogenaamde inversie vorm. Die onderste lae van die atmosfeer begin afkoel, en die swaar koue lugmassas daal vanaf die bergtoppe na die laer geleë gebiede en valleie wat dan deur mis omhul word. Die hellings, bergweivelde en bergtoppe word daarenteen - veral aan die suiderkant van die bergreeks - in sonskyn gebaai. Om hierdie rede is meer berghutte en ander geboue teen die suidelike hellings opgerig.
| |||