Vaalrivier: Verskil tussen weergawes

Die '''Vaalrivier''' is die grootste takrivier van die [[Oranjerivier]] in [[Suid-Afrika]]. Die Vaalrivier kry sy naam van die grys kleur van sy water, veral in die vloedseisoen wanneer baie slik en sediment afgevoer word. Die opvanggebied is ongeveer 200 000km² en die jaarlikse afloop is 4 300miljoen m³.

Dit het sy oorsprong by Sterkfontein Baken naby [[Breyten]], in [[Mpumalanga]] provinsie en vorm die grootste deel van die [[Vrystaat]] provinsie se noordelike grens. Dit vloei hiervandaan 1120 km suidwes tot by sy samevloeing met die [[Oranjerivier]] naby [[Douglas, Noord-Kaap|Douglas]]. Sowat 30km suidoos van [[Ermelo, Mpumalanga|Ermelo]] vloei die rivier onder deur die [[Ermelo, Mpumalanga|Paulkrugerbrug]]. Net voor [[Standerton]] vloei die rivier in die [[Grootdraaidam]] in. Die Kliprivier sluit nou by die rivier aan voor dit by die [[Vaaldam]] invloei.