Richard Stuttaford: Verskil tussen weergawes

 

Stuttaford ontvang sy opleiding in [[Engeland]] en [[Frankryk]] en sluit hom aan by die handelsfirma, Thorne, Stuttaford & Co, wat sy pa help oprig het saam met sir William Thorne. Buiten as lid van die [[Kaapstad|Kaapse]] stadsraad en van die Kaapstadse Kamer van Koophandel het hy aanvanklik nie in die openbare lewe belang gestel nie, maar in 1924, toe hy 54 jaar oud was, word hy tot die Volksraad verkies as die lid vir [[Nuweland]] teen die Konstitusionele Demokraat, C.A. Lagesen met 'n meerderheid van 702 stemme. In 1929 is hy onbestrede verkies vir dieselfde kiesafdeling en in 1933 weer onbetrede, dié keer as [[Suid-Afrikaanse Party|S.A.P.-Koalisie]]-kandidaat vir [[Claremont]] nadat Nuweland tydens 'n herafbakening afgeskaf is. In 1938 wen hy as kandidaat van die [[Verenigde Party]] ook in Claremont met 'n meerderheid van 2 052 teen E.M.O. Clough van die Dominiumparty, wat toevallig dieselfde getal stemme op hom verenig het as Stuttaford se meerderheid.