Cholera: Verskil tussen weergawes

'''Cholera''' is 'n [[infeksie]] van die [[dunderm]] deur die bakterie ''[[Vibrio cholerae]]''. Daar is verskillende [[Vibrio]]-bakterieë, waarvan die meeste die ingewande aantas. ''V. cholerae'' veroorsaak egter epidemiese cholera. Die kiem produseer 'n [[gifstof]], 'n [[enterotoksien]], wat veroorsaak dat die [[dunderm]] groot hoeveelhede vloeistowwe, soute en minerale afskei, wat dan aanleiding gee tot waterige diarree. In sommige pasiënte is die simptome minder ernstig, maar in ernstige gevalle veroorsaak cholera lewensbedreigende ontwatering en sterftes.