Gewere-oorlog: Verskil tussen weergawes
Content deleted Content added
nuwe artikel |
k →Oorsig |
||
Lyn 2:
==Oorsig==
Die konflik was 'n gevolg van die Kaapse regering se ''Peace Preservation Act'' (d.w.s. 'Wet op die Bewaring van die Vrede'), wat swart inboorlinge belet om vuurwapens te besit. Toe die regering in 1880 die wet in Basoetoland probeer toepas het, het die Basoetoleiers daarteen beswaar gemaak. Na maande van vergeefse onderhandelinge met die regering, het die Basoetoes hulle wapens opgeneem en hulle teen die wet verset. In Julie 1880 het gewapende Basoetomagte die administratiewe sentra by [[Maseru]], [[Mafeteng]], en [[Mohaleshoek]] beleër. In September, het die Kaapse regering sy krygsmagte gemobiliseer om die dorpe te ontset.
Operasies was hoofsaaklik op Mafeteng, waar die Basoetokaptein [[Lerothodi]] in beheer was, gefokus. Die koloniale magte, onder bevel van brig genl [[Charles Mansfield Clarke]] (wat later deur kol [[Frederick Carrington]] afgelos is), het die dorp na 'n hewige geveg by Qalabane op 19 Oktober ontset. In die daaropvolgende weke en maande het die magte verskeie dorpies en posisies in die gebied aangeval, maar nie daarin geslaag om Lerothodi en die Basoeto te verslaan nie. Uiteindelik, in Februarie 1881, is daar op 'n skietstilstand ooreengestem, en na 'n paar skendings daarvan is 'n vredesverdrag in Junie onderteken. Die regering het daartoe ingestem dat die Basoetoes hulle wapens mag behou, op voorwaarde dat hulle 'n boete betaal en vuurwapenlisensies uitneem.
| |||