Mtunzini

Mtunzini

Kusdorpie aan die N2-tolpad ongeveer 140 km noord van Durban/Etekweni in Kwazulu-Natal. Oor skoolvakansies gewild by binnelanders. Matige temperature tydens wintermaande. Een uur per motor van Umfolozi-Hluhluwe Nasonale Park en St. Lucia Nasionale Park. Naam is afgelei van ’n Zoeloe-woord wat “in die skadu” beteken.

Vaste inwoners: ongeveer 1500 (ongeveer 40% Afrikaanssprekend).

Koördinate op landkaart: -28.962 S; 31.785 O

Ekonomie: Geen groot industrieë; enkele kleiner ondenemings. Die meeste inwoners werk in omliggende dorpe. In die verlede was daar ’n groter komponent van akademici en afgetrede suikerboere. Die toerisme en vakansie-bedryf lewer ’n aansienlike inkomste. Gereelde kragonderbrekings en sporadiese waterskaarste. Ooraanbod van werk uit die naasliggende stam-gebiede.

Naaste dorpe: Ezikhawini (22 km by Universiteit van Zoeloeland); Empangeni (37 km); Richardsbaai (47 km); Eshowe (44 km). (6 Uur per motor van Johannesburg, via Standerton, Volksrust en Vryheid.)

Munisipaliteit: Umlalazi-munisipaliteit met hoofkantoor in Eshowe. Mtunzini maak een wyk uit in die groter munisipaliteit.

Besienswaardighede en vermaak: Raphiapalm opelug-monument, tuiste van die bedreigde Witkopaasvoël,; die Umlalazi-natuurreservaat met Wortelboommoeras en -ekostelsel. Perdry, visvang, waterski, diepseehengel, wandelpaaie in kusbos, swemstrand (20 km en verder). Buiteklub met muurbal- en golfbane.

Besighede en dienste: Twee mediese dokters, twee apteke, ses restaurante, nege eiendomsagente, Spar, twee kafees, slagter, laerskool (Engels), kleuterskole, ses kerklike gemeenskappe, hotel, korrektiewe eenheid, magistraatskantoor, inheemse kwekery en natuursentrum, twee vakansieoorde met self-sorg hutte, ses bed-en-ontbyt ondernemings, een plaaslike koerant, vulstasie, twee hardeware-ondernemings.

Geskiedenis: Sien boek deur F A van Jaarsveld, The history of Mtunzini, volume 1 en 2.