Parow: Verskil tussen weergawes

Parow is vernoem na Kaptein [[Johann Heinrich Ferdinand Parow]] van [[Pruise]], wie se skip, die Kehrwieder, in [[1865]] het aan die kus van [[Tafelbaai]] gestrand het. Kaptein Parow het spoedig besef dat die Tygervallei groot moontlikhede inhou en hy het hom landwaarts gewend en aanvanklik met grootvee handel gedryf. Hy het later met grond begin spekuleer en in [[1886]] die eienaar geword van die plase Tygervallei, Rustenburg en ander eiendomme in die omgewing waarop die dorpsgebied van Parow later uitgelê is. Ten tyde van ongeëwenaarde grondspekulasie en groot welvaart het kapt. Parow saaam met ene kapt. Scharmberg en mnre. Wrensch en Weimar die Parow-landgoed-sindikaat gestig en die Parow-dorpsgebied uitgelê. Strate in die dorp is na hierdie stigters genoem. Kapt. Parow het die plaas Tygervallei later aan mnre. Joyce en McGregor verkoop. Die dorpsgebied Tyger Valley (nou Parowvallei), wat in [[1944]] by die munisipaliteit ingesluit is, was op hierdie plaas geleë. Kapt. Scharmberg het later die eienaar geword van Fairfield, wat nou deel van die munisipale gebied is.

 

 

Kaptein Parow se teleskoop word steeds in die voorportaal van die raadsaal van Parow bewaar.