Japie Basson: Verskil tussen weergawes

Japie Basson is op [[25 Julie]] [[1918]] in die [[Paarl]] gebore en voltooi sy B.A. Regte aan die [[Universiteit van Stellenbosch]]. Op universiteit was hy voorsitter van die V.P.-jeugtak en help [[Henry Fagan]] om die [[Nasionale Party]] se dr. [[Bruckner de Villiers]] in die verkiesing van 1938 met net 30 stemme te klop - die laaste keer dat die V.P. op Stellenbosch kon wen. Hy was aanvanklik 'n kampusverslaggewer vir die V.P.-middagblad ''[[Die Suiderstem]]''. In [[1939]] is hy aangestel as beroepsorganiseerder vir die V.P. in die [[Paarl]] en was ook die stigter en redakteur van die politieke maandblad, ''Nasiebou''. Dit is 'n jaar na Basson die blad begin het, by die ''[[Die Suiderstem]]'' ingelyf.

Basson het toe onder die redakteur [[Abraham Jonker]] by die verslagspan van ''[[Die Suiderstem]]'' aangesluit as politieke verslaggewer en rubriekskrywer, waarna hy afgevaardig is om verslag vanaf die parlementêre persgalery te doen. In [[1942]] is hy aangestel as voltydse organiseerder van die regerende party se Unie-Jeugfront en het hulle lyfblad, ''Unie-Jeug/Union Youth'' gestig en as redakteur opgetree tot Sakkie Perold gevra is om by hom oor te neem. Hy staan in 1943 se algemene verkiesing as V.P.-kandidaat in [[Moorreesburg (kiesafdeling)|Moorreesburg]], 'n veilige N.P.-setel, maar verloor met net 1 022 stemme teen die dienende LV. F.C. Erasmus.