In die Kaap sou die [[Universiteit van Stellenbosch]] 'n belangrike rol speel as die teelaarde van toekomstige spelers en administrateurs. Die eerste dokumentêre bewys vir 'n rugbyklub by Stellenbosch dateer uit [[1880]], hoewel die Universiteitsklub eers amptelik in [[1919]] gestig is. Stellenbosch se ligging naby Kaapstad, waar die spel reeds goed gevestig was teen die einde van die [[19de eeu]], het ongetwyfeld bygedra tot die ontwikkeling van rugby in Stellenbosch. Van daar is rugby na die platteland versprei deur die jaarlikse rugbytoer en deur veral Afrikaanse onderwysers en Predikante uit Stellenbosch.<ref name=Grundlingh>Grundlingh, Albert (1994) ''[http://dx.doi.org/10.1080/09523369408713871 Playing for power? rugby, Afrikaner nationalism and masculinity in South Africa, c.1900-70]'', International Journal of the History of Sport, 11:3, 408 - 430</ref>
Skaar 'n jaar na die [[Vrede van VerenigingVereeniging]] gesluit is om 'n einde te bring aan die Boereoorlog het die Leeu in [[1903]] vir hulle derde besoek in Suid-Afrika aangekom. Die Leeus sou vir die eerste keer 'n reeks nederlaag in Suid-Afrika verduur nadat hulle gelykop gespeel het in die eerste twee toetse en die laaste op [[5 September]] [[1896]] op [[Nuwelandstadion|Nuweland]] 8-0 verloor het.<ref>[http://www.lions-tour.com/ Lions-Tour.com], [http://www.lions-tour.com/history/tourdetails.asp?id=3 1896 - South Africa], besoek op 25 Augustus 2007</ref> Op die toer kon die Leeus slegs 11 van hulle 22 wedstryde wen.<ref name=Allen2>Allen, Dean (2007) ''[http://dx.doi.org/10.1080/17460260701437003 Tours of Reconciliation: Rugby, War and Reconstruction in South Africa, 1891-1907]'', Sport in History, 27:2, 172 - 189</ref> Die Suid-Afrikaners sou in in teenstelling hiermee tot in [[1956]] nie weer 'n reeks verloor nie - tuis of weg. In die finale toets het Suid-Afrika se span weer die groen kraaglose Old Diocesan truie gedra wat hulle in hulle eerste oorwinning in 1896 gedra het.<ref name=bigbrian/><ref name=BBC1>[http://www.bbc.co.uk/ BBC], [http://www.bbc.co.uk/wales/scrumv/features/history/lionshistory.shtml British Lions], Besoek op 25 Augustus 2007</ref> Die sukses wat die span in die toets in die groen trui behaal het het gelei tot 'n besluit om voortaan altyd in groen te speel.<ref name=bigbrian/>
