N3 (Suid-Afrika): Verskil tussen weergawes

Die '''N3''' is een van die [[Nasionale paaie in Suid-Afrika|nasionale paaie]] in Suid-Afrika. Die pad verbind [[Durban]], [[KwaZulu-Natal]] met [[Johannesburg]], [[Gauteng]] via die [[Vrystaat]]. Die hele pad van van Durban na Johannesburg is 'n snelweg van 4 bane waar net by die tolhekke gestop moet word.

Die N3 begin in Durban se middestad waar Monty Naicker Weg die N3 raak. Die pad hou dan wes en kruis dan die [[N2]] nasionale pad by die EB Cloete wissellaar. Hiervandaan gaan die pad verby [[Pinetown]], dan deur die Mariannhill Tolhek, verby [[Camperdown]] na [[Pietermaritzburg]]. Die hele pad is 'n snelweg. Dit kruis die [[Comrades-maraton]] roete 'n paar keer. Die snelweg gaan tussen [[Howick]] en die [[Midmardam]], deur die Mooirivier Tolhek hou verby tot by [[Estcourt]]. Die snelweg hou noordwes, kruis die [[Tugelarivier]], gaan deur die Tugela Tolhek en gaan verby die een punt van die [[N11 (Suid-Afrika)|N11]] nasionale pad wat ook die afrit na [[Ladysmith]] is. Na 'n verdere 20km word die [[Drakensberg]] bestyg via die [[Van Reenenspas]] en word deur die dorpie [[Van Reenen]] gery. Nou word die [[Vrystaat]] binnegegaan.