Tweeling: Verskil tussen weergawes

Content deleted Content added
Vanaf en:wikipedia
(Geen verskil)

Wysiging soos op 22:31, 11 April 2006

Tweelinggeboortes gebeur in die meeste soogdierspesies. Hierdie artikel gaan oor menslike biologiese tweelinge. Om inligting te verkry oor tweeling- en meervoudige geboortes in ander diere, sien meervoudige geboorte.


'n Tweeling is twee persone wat terselftertyd ontwikkel het in 'n uterus tydens 'n enkele swangerskap. Hulle word gewoonlik, maar nie noodwendig nie, gebore kort na mekaar. Omdat die menslike uterus net 'n beperkte grootte het, gebeur dit gewoonlik dat enige swangerskap met meer as een fetus nie voltyd loop nie. Tweelingswangerskappe duur meestal tot 36 weke. [1]

Tipe tweelinge

Nie-identiese tweeling

Lêer:TwinBoysInBathtub.jpg
Nie-identiese tweelingseuntjies in 'n plastiekbad

Nie-identiese tweelinge kom voor wanneer twee bevrugte eierselle tydens dieselfde menstruele siklus implanteer in die uterus. Twee sigote vorm, en dis hoekom dié soort swangerskap dikwels ook 'n disigotiese tweelingswangerskap genoem word.

Nie-identiese tweelinge deel dus nie dieselfde genetiese materiaal nie, en is op dieselfde manier aan mekaar verwant as broers of susters.

Identiese tweeling

Identiese tweelinge, of monosigotiese tweelinge kom voor wanneer 'n enkele eiersel bevrug en 'n enkele sigoot vorm. Die verdeling in twee verskillende embrio's vind eers ná hierdie stadium plaas. Afhangende van wanneer die verdeling plaasvind, kan die tweeling 'n amnionsak en plasenta deel, of nie. As die verdeling laat plaasvind, deel hulle en as dit vroeg plaasvind, deel hulle nie. Tweelinge wat dieselfde sak deel, word ook 'n mono-amniotiese tweeling genoem.

Dié soort tweeling is geneties identies, alhoewel dinge soos vingerafdrukke sal verskil.

Statistiek

Vroeër het tweelingswangerskappe voorgekom in ongeveer een uit elke 90 geboortes [2], maar weens die wydverspreide gebruik van vrugbaarheidsmiddels, het die syfer aansienlik verhoog.

Bron

  • n Verkorte vertaling van die artikel Twin, vanuit die Engelse Wikipedia.